Од утре Кривичниот суд ќе одлучува по жалбата на Обвинителството за притвор на осомничените за упадот во М-НАВ

Како што информираат оттаму, жалбите се доставени до странките, рокот за одговор е до утре и откако ќе истече Советот ќе заседава. Жалбата следува откако Судија на претходна постапка од Кривичниот суд на 5 јануари годинава им определи мерки за претпазливост на четири лица, меѓу кои и Беким Незири, поранешен министер, советник на директорот на М-НАВ и претседател на огранок на ДУИ, осомничени за загрозување на безбедноста на воздушниот сообраќај

Основниот кривичен суд Скопје од утре ќе одлучува за жалбата на Јавното обвинителство во врска со одлуката да не го прифати барањето за притвор за четворицата осомничени во врска со упадот во М-НАВ.

Како што информираат оттаму, жалбите се доставени до странките, рокот за одговор е до утре и откако ќе истече Советот ќе заседава.

Жалбата следува откако Судија на претходна постапка од Кривичниот суд на 5 јануари годинава им определи мерки за претпазливост на четири лица, меѓу кои и Беким Незири, поранешен министер, советник на директорот на М-НАВ и претседател на огранок на ДУИ, осомничени за загрозување на безбедноста на воздушниот сообраќај.

Кривичен суд: Мерките на претпазливост за осомничените за упадот во М-НАВ се донесени врз основа на приложените докази

За инцидентот Основното јавно обвинителство Скопје на 4 јануари отвори истражна постапка против осум лица за кои постои основано сомнение дека како соизвршители сториле кривично дело – Загрозување на безбедноста на воздушниот сообраќај според член 303 став 2 во врска со член 22 од Кривичниот законик.

Упадот во Македонска навигација се случи вчера попладне непосредно по прес-конференцијата на лидерот на Струковиот синдикат на контролорите на летање, Александар Тасевски, на која тој информира дека членовите на Синдикатот се под засилен притисок од менаџментот на М-НАВ поради негодувањата на синдикалците за последниот оглас за вработување. 

Во врска со ова денеска се огласи и Судскиот совет од каде соопштија дека судовите се независни во своето постапување и одлучување, а Судскиот совет во рамки на своите законски надлежности ја следи работата на судовите.

Судовите се независни во одлучувањето, велат од Судскиот совет за одлуката на Кривичен поврзана со упадот во М-НАВ

Во меѓувреме, Управата за финансиска полиција денеска е на увид во М-НАВ, каде вршат контрола и увид во работењето на М-НАВ врз основа на направениот извештај. 

Управата за финансиска полиција влезе во М-НАВ, врши проверки во работењето

Делегацијата на Европската Унија во земјава денеска изјави дека со загриженост ги следи случувањата во врска со националниот давател на услуги за воздушна навигација М-НАВ.

Делегација на ЕУ: Очекуваме државните власти да ги истражат наводите за кронизам во вработувања во М-НАВ