На прашањето дали понудата за една изборна единица е искрена, со оглед дека партијата досега се залагаше за мнозински изборен модел, Мицкоски рече дека тој предлог не ја добил поддршката од другите политички партии
Лидерот на ВМРО-ДПМНЕ, Христијан Мицкоско, во вечерашното гостување во емисијата „360 степени“ на ТВ Алсат излезе со предлог за намалување на бројот на пратеници во Собранието од 120 на 90, како и за воведување на изборен модел со една изборна единица.
Мицкоски вели дека така ќе се намали бројот на привилегирани пратеници, а со тоа и фрустрацијата на граѓаните, за која тврди дека сега е преголема.
„Сакаме да предложиме концепт за намалување на бројот на пратеници во парламентот од 120 на 90, слично како словенечкиот концепт, како и воведување на една изборна единица. Овој гломазен систем од 120 пратеници е преголем, тој делува премногу фрустрирачки за граѓаните, преголеми се трошоците, преголема е и акумулираната моќ. Со намалување на бројот на пратеници на 90, ќе се намали и бројот на привелигирани пратеници. Ние сме и за воведување на една изборна единица, бидејќи имаше и други политички партии кои го поддржуваат тој концепт. Подготвени сме за овој концепт“,
вели Мицкоски.
На прашањето – дали овој предлог на ВМРО-ДПМНЕ е искрен, со оглед дека партијата досега се залагаше за мнозински изборен модел, Мицкоски рече дека тој предлог не ја добил поддршката од другите политички партии, па поради тоа и тие се откажале од таа идеја.
„Ние се залагавме за мнозински изборен модел, но гледаме дека немаме поддршка од другите политички партии, дали се исплашени, дали имаат некои други аргументи, важно е дека поддршка нема. Ние треба да сме креативни како политичари и да работиме за доброто на граѓаните, па сега ако некој вели – една изборна единица и граѓаните сакаат една изборна единица, тогаш ние сме подготвени. Ајде да го ставиме тоа на маса, еве уште еден предлог со кој ќе го намалиме и бројот на пратеници. Ако може една европска Словенија, многу побогата и помоќна од Македонија, да има 90, зошто Македонија да има 120? Ајде да имаме 90 пратеници во парламентот и да зборуваме за една изборна единица“,
повика Мицкоски.
*Повеќе вести од интервјуто на Мицкоски за 360°:
Мицкоски одговара зошто бара избори иако штотуку добивме нова влада
Мицкоски: Владата на Ковачевски нема да направи ништо подобро од последната на Заев
Мицкоски: ВМРО-ДПМНЕ ќе добие уште двајца потпретседатели
Мицкоски: Задоволен сум од досегашната работа на градоначалничката Арсовска
Мицкоски: Подготвени сме да разговараме за праг под три отсто при една изборна единица
Мицкоски за случајот со ЕВН Електрани: Да го истражат случајот и секој што се огрешил да одговара