Измените на Кривичниот законик, како што е предвидено, стапуваат во сила осмиот ден од објавувањето во „Службен весник“. За повеќето членови е наведено дека ќе почнат да се применуваат шест месеци по стапувањето во сила, но тоа не се однесува и на измените на делата за злоупотреба на службената положба и овластувања, што значи дека тие ќе почнат да важат веќе од утре. Измените на Кривичниот законик беа објавени во „Службен весник“ на 7 септември 2023 година
Лидерот на опозициската ВМРО-ДПМНЕ, Христијан Мицкоски, одговарајќи на прашање дали измените на Кривичниот законик кои утре стапуваат во сила ќе влијаат на процесот на гласање за уставните измени, го повтори досегашниот партиски став дека нема да прифатат измени на Уставот под бугарски диктат
Измените на Кривичниот законик со кои, меѓу другото, беа опфатени и членовите кои се однесуваат на злоупотреба на службената положба и овластување (353) и злосторничко здружување (354) од утре стапуваат во сила.
Ова е случај, бидејќи измина, односно утре изминува период од осум дека откако Законот за измена и дополнување на Кривичниот законик беше објавен во „Службен весник“.
Имено, откако Владата „тајно“ ги усвои, Собранието експресно ги донесе по скратена постапка (со европско знаменце), а претседателот Стево Пендаровски ги потпиша, измените на Кривичниот законик беа објавени во „Службен весник“ на 7 септември 2023 година.
Измените се однесуваат на 38 члена од Кривичниот законик, за кои од власта велат дека 35 се за усогласување со директивите на ЕУ.
Меѓутоа, она што предизвика бура негативни реакции во јавноста е што измените опфатија промена на членовите кои се однесуваа на злоупотреба на службената положба и овластувања (член 353) и злосторничкото здружување (член 394).
- Власта по брза постапка ќе ги намалува казните за злоупотреба на службената положба и злосторничко здружување
- Владата „тајно“ ги утврди, Собранието експресно, со 48 гласа „за“ ги донесе измените на Кривичниот законик
- Кој „потајно“ ги поддржува, а кој е против измените на КЗ – опозициските партии со меѓусебни обвинувања
- Измените во Кривичниот законик се прават за да се спаси Никола Груевски – велат пратеници од Алтернатива, Беса и Демократско движење
- Груевски: Расте стравот на многумина од запирање на прогонот против мене и има причина за тоа
Со изгласувањето пратениците ги намалија пропишаните казни за двете кривични дела, воведоа горна граница на максималната казна, а и укинаа еден став од членот за злоупотреба на службената положба и овластувања. Со тоа предвидоа и порано застарување на делата.
Измените на Кривичниот законик, како што е предвидено, стапуваат во сила осмиот ден од објавувањето во „Службен весник“. За повеќето членови е наведено дека ќе почнат да се применуваат шест месеци по стапувањето во сила, но тоа не се однесува и на измените на делата за злоупотреба на службената положба и овластувања, што значи дека тие ќе почнат да важат веќе од утре.
Измените првично поминаа на владина седница одржана на 29 август 2023 година, но јавноста не беше информирана за тоа ниту од владината прес-служба ниту од некого од нејзините членови. Во Собранието тие беа поднесени со европско знаменце. Таму експресно го поминаа филтерот во Комисијата за европски прашања, а потоа и на пленарна седница каде беа изгласани со 48 гласа „за“. 36 пратеници беа „против“, а еден имаше „воздржан“.
Дел од опозицискиот блок и невладините повикуваа претседателот Стево Пендаровски да го искористи правото на вето, но тој одлучи да го потпише указот за прогласување на Законот за измени и дополнувања на Кривичниот законик.
Дел од опозицискиот блок и невладините организации го повикуваа претседателот Стево Пендаровски да го искористи правото на вето, но тој вчера попладне соопшти дека одлучил да го потпише указот.
Лидерот на опозициската ВМРО-ДПМНЕ, Христијан Мицкоски, одговарајќи на прашање дали измените на Кривичниот законик кои утре стапуваат во сила ќе влијаат на процесот на гласање за уставните измени, денеска го повтори досегашниот партиски став дека нема да прифатат измени на уставот под бугарски диктат.
„Ние повторуваме повеќе од 15 месеци дека уставни измени под бугарски диктат нема да прифатиме, не само сега, туку и во иднина. Ако ова се условите кои што ќе останат и идната влада на ВМРО-ДПМНЕ нема намера да влезе во процес на уставни измени под овие услови, додека условите не се променат. А кои услови да се променат? Договорот тие (ЕУ н.з.) го потпишаа со политичари коишто не можат да испорачаат, немаат кредибилитет и длабоко се навлезени во криминал. Ние свесни за тоа, како државотворна партија, нудевме решенија, го промовираа хрватскиот модел им го прифативме, па го одбија, им понудивме со одложено дејство, им понудивме предвремени избори, гаранции, итн. Се одбија што можеше да се одбие. Тоа е тоа, жалам, под овие услови ВМРО-ДПМНЕ, македонскиот народ и огромното мнозинство граѓани во Македонија нема да прифатат, додека не видиме ние добра волја од бугарска страна дека навистина сакаат да ни бидат добри соседи бидејќи ги следам изјавите на нивниот претседател (Румен) Радев кој вели дека тоа не биле бугарски барања, туку биле европски барања, европско барање е да се почитуваат европските одлуки на судот за човекови права во Стразбур. И ако сè се сведува на копенхашките критериуми тогаш господата треба да покажат европски вредности и да ги почитуваат копенхашките критериуми и за македонското малцинство во Бугарија, па тогаш можеме да разговараме“,
рече Мицкоски.
Тој, одговарајќи на истото прашање, ја коментираше и денешната изјава на премиерот Димитар Ковачевски, кој рече дека собраниската седница за уставните измени ќе продолжи тогаш кога ќе се создадат услови за тоа и дека станува збор за процес од кој зависи иднината на државата. Ковачевски притоа изрази уверување дека на крај 118 пратеници ќе ги поддржат измените на Уставот.
Мицкоски, коментирајќи ги ваквите пораки на премиерот, рече дека подолго време престанал да ги слуша, затоа што, како што вели, се неточни и невистинити и дека станува збор за пораки со двојна намена.
„Првата цел е да ја држи кохезијата во рамките на партијата, којашто според неофицијални информации е поделена на неколку структури и е тотално демотивирана структурата на СДСМ и ако не им даде некаква надеш дебаклот којшто претпоставувам ќе се случи на следните парламентарни избори ќе биде уште поголем. Втората цел е порака до меѓународната заедница: еве оставете не уште неколку месеци да крадеме и да лажеме, секако на пролет се редовните парламентарни избори, не ни требаат сега предвремени парламентарни избори, па ќе видиме како ќе ја премостиме целата оваа работа. Отприлика ова е суштината на Ковачевски“,
рече Мицкоски.