Градоначалникот Кличко вели дека на видеоснимките се гледаат автомобили како се движат по мостот во моментот кога дронот се урива на коловозот и експлодира во пламен
Руски дрон го погоди клучниот Северен мост во Киев над реката Днепар. Ова е четврти ден по ред како Русија гаѓа мостови што ги користат илјадници жители за движење меѓу двата брега на градот, пишува „Гардијан“.
„На видеоснимките се гледаат автомобили како се движат по мостот во моментот кога дронот се урива на коловозот и експлодира во пламен. Две лица се повредени во нападот“, изјави градоначалникот на Киев, Виталиј Кличко.
Several videos now circulating on Ukrainian telegram channels showing the Russian drone strike shortly ago on Kyiv’s North Bridge, confirmed by Mayor Klitschko. https://t.co/E27CNMP5u1
— Christopher Miller (@ChristopherJM) October 4, 2026
Нападот се случил кратко откако германскиот канцелар Фридрих Мерц пристигна во градот во ненајавена посета чија цел е да се истакне германската поддршка за Украина, во момент кога земјата влегува во еден од најкритичните периоди откако Русија ја започна својата целосна инвазија во 2022 година.
Германија стана најголемиот снабдувач на воена помош за Украина откако Мерц ја презеде функцијата во мај 2025 година, надминувајќи ги САД, чија поддршка е во опаѓање.
Во последните недели, Киев е изложен на постојани напади со руски дронови на млазен погон, што го попречува секојдневниот живот во главниот град и се заканува да го остави градот без струја оваа зима.
❗️People are breaking through fiery craters after strike: Russians have just attacked the Northern Bridge in Kyiv with a jet Shahed — preliminary reports indicate there are casualties https://t.co/koehwbe3ic
— MAKS 26 🇺🇦👀 (@Maks_NAFO_FELLA) October 4, 2026
Украинскиот претседател Володимир Зеленски му рече на Мерц дека луѓето во Киев минуваат низ „ужасни ноќи и денови“ поради непрекинатите напади и ги нарече руските противници на Украина „апсолутни варвари“.
„Овде можеме да ја видиме целосната бесмисленост на оваа војна. Ако Русија не биде запрена, нејзината воена машина порано или подоцна ќе се сврти против нас“,
рекол Мерц додавајќи при пристигнувањето дека на Украина „ѝ е потребна целата наша поддршка во наредните недели“.
Русија претходно веќе го оштети Северниот мост во Киев и неколкупати го гаѓаше Јужниот мост. Иако премините сè уште стојат, повторените напади и заканата од нови удари ги натераа градските власти да го ограничат или прекинат сообраќајот на пет од шесте патни мостови над Днепар, што доведе до привремени затворања и големи сообраќајни метежи.
A Russian jet drone just tried to target a train full of commuters as it crossed one of Kyiv’s main bridges, barely missing amid bridge wires. It’s all just genocide now. https://t.co/6yHrOHSS1v
— Jay in Kyiv (@JayinKyiv) October 1, 2026
Нападите се дел од пошироката руска кампања против цивилната и индустриската инфраструктура во Украина. Во последните недели, напади беа извршени врз логистички центри, железнички линии, центри за податоци, складишта за медицински материјали и челичарници, паралелно со континуираните напади врз енергетскиот систем на земјата, за кои се очекува да се интензивираат во текот на зимата.
A jet-powered Shahed struck as Kyiv residents were crossing the Pivdennyi Bridge on foot Because of the transport collapse, people are being forced to cross from one bank of Kyiv to the other on foot — literally against the backdrop of Russian attacks and explosions.
— NEXTA (@nexta_tv) October 3, 2026
„Гардијан“ пренесува и дека вчера руското Министерство за надворешни работи ги предупредило странските државјани и дипломатскиот персонал да не остануваат во Украина и да не патуваат таму.
„Одговорноста за какви било можни негативни последици лежи целосно кај оние што ќе одлучат да го игнорираат ова предупредување“,
соопштиле од Министерството.
Голем број странски амбасадори, вклучително и германскиот, преку социјалните мрежи порачаа дека имаат намера да останат во Киев.