И министерот за образование и наука, Арбер Адеми, кој е еден од четворицата владини функционери кои завршија во изолација откако градоначалникот на Куманово, Максим Димитриевски, објави дека е заразен со коронавирусот, се обрати преку социјалните мрежи порачувајќи дека останува во изолација.
„Од денешната позитивна потврда за ковид-19 на градоначалникот на општина Куманово, иако како и сите присутни на состанокот бев со лична заштитна маска и ракавици за кои епидимиолозите сметаат дека е доволна заштита, останувам во изолација и ќе постапам согласно протоколите за постапување во вакви ситуации. На градоначалникот на Куманово, но и на сите заболени во моментов им посакувам брзо оздравување и заедно да излеземе од целата оваа состојба. Останете дома и грижете се за вашето здравје!“,
порача Адеми.
Тој заедно со премиерот Оливер Спасовски, со вицепремиерот Бујар Османи и министерот Венко Филипче, вчера беа на состанок во Куманово.
Денеска, пак, градоначалникот соопшти дека добил позитивен резултат на тестот, а Владата соопшти дека Спасовски и министрите поради тоа одат во самоизолација.
*Поврзани вести:
Премиерот и министрите не знаеле дека градоначалникот Димитриевски се тестирал
Филипче: Во изолација сум, се подготвувавме и за вакво сценарио