Во Куманово од локалниот Центар за јавно здравје се анализираат контактите на градоначалникот Димитриевски и во текот на денот ќе се утврди кои лица ќе треба да останат во 14-дневна изолација
Во Скопје започнаа анкетите од Институтот за јавно здравје со сите членови во Владата кои беа присутни на состанокот, по што ќе биде дадена епидемиолошка проценка на ризикот и насоки за понатамошно постапување
Владата соопшти дека по вчерашната средба со градоначалникот Максим Димитриевски, кој е позитивен на ковид-19, во самоизолација одат техничкиот премиер Оливер Спасовски, вицепремиерот Бујар Османи, министерот за здравство Венко Филипче, министерот за образование Арбер Адеми. Дома ќе се изолира и државниот секретар во министерството за здравство Владимир Милошев кој присуствувал на состанокот.
*поврзана вест Градоначалникот на Куманово е позитивен на ковид-19
„На состанокот во Куманово сите функционери во Владата ги почитуваа протоколите за заштита и носеа заштитна опрема. Во овој момент се прават епидемиолошки проценки во Куманово од страна на локалниот Центар за јавно здравје и се анализираат контактите на градоначалникот Димитриевски. Во текот на денот ќе се утврди колку и кои лица ќе треба да останат во 14-дневна изолација. Во Скопје започнаа анкетите од Институтот за јавно здравје со сите членови во Владата кои беа присутни на состанокот, по што ќе биде дадена епидемиолошка проценка на ризикот и насоки за понатамошно постапување“,
соопшти владината прес-служба.
Оттаму велат дека Владата била подготвена за сите сценарија, вклучително и за ваква ситуација, па работата „продолжува да се одвива непречено преку дигиталните алатки за комуникација и за одржување состаноци“.
*поврзана вест (ФОТО) Спасовски, Филипче и Османи не дојдоа на седницата на Советот за безбедност
*поврзана вест Вицепремиерот Бујар Османи објави дека оди во изолација