Џафери даде пауза од еден час и побара од координаторите на мнозинството да го информираат кога да се одржи гласањето кое најверојатно ќе биде в недела
По речиси целодневна дебата со повеќе прекини вечерва во 21.20 часот заврши расправата по предлог- законот за ЈО. Претседателот на парламентот Талат Џафери побара да се пребројат присутните во салата, по што беше констатирано дека нема мнозинство. Тој даде еден час пауза и најави нова седница на чиј дневен ред меѓудругото е и разрешувањето на министерката Рашела Мизрахи. Но пред тоа тој им се обрати на присутните:
„Видете која е иронијата колеги фејсбукмејкери. Ме направите топовско месо зашто сме работеле од 22 часот, а денеска е 21.20, завршува дискусијата по предлог – законот и кај сте? Не е коректно, ама може од ‘Клик плус 21’ да ми се прати порака по која динамика да се работи. Давам еден час пауза за коорднаторите од мнозинството да ми кажат кога да продолжиме со оваа седница и кога да следи нова седница“,
рече Џафери во обраќањето до пратениците.
Тој алудираше на вчерашната ситуација која настана со настапот на генералниот секретар на СДСМ Љупчо Николовски, кој им испрати порака на ДУИ и на ВМРО-ДПМНЕ дека, ако ги кочат процесите, може да пропаднат вонредните избори.
На седницата која треба да следува по гласањето за законот за ЈО, е предлогот за разрешување на министерката за труд и социјална политика Рашела Мизрахи, за измени во Изборниот законик, за законот за лични карти и за матична евиденција.
Вечерва не се очекува да се гласа за законот за ЈО, и тоа најверојатно ќе биде в недела.
*Поврзани вести
Рангелова бара обвинетите и осомничените пратеници да не дискутираат за законот за ЈО
Независните го нападнаа Милошоски: Ја зароби ВМРО-ДПМНЕ, законот за ЈО е твоја лична борба
Милошоски и Мукоски се „бомбадираа“ со обвинувања од собраниската говорница
Донесувањето на законот за ЈО ги стави на тест и владината коалиција и изборите