Досегашниот австриски канцелар, на прес-конференција вечерва, рече дека неговата оставка е „привремена“ и дека планира да се врати на функцијата кога „обвинувањата на обвинителството ќе се покажат како неосновани“
Австрискиот канцелар Себастијан Курц поднесе оставка вечерва, откако беше вмешан во корупциски скандал.
Тој рече дека му ја предава функцијата на министерот за надворешни работи, Александер Шаленберг.
Австриските обвинители упаднаа во средата во канцелариите и седиштето на партијата на Курц во Виена, поради сомневање дека тој и неговиот близок круг соработници направиле заговор за проневера на јавни средства за поткуп на анкетари и истакнати медиумски фигури, во замена за поволна покриеност.
Претресите означија значителна ескалација на истрагата за корупција на обвинителите против Курц, кој веќе се соочува со можно обвинение во друг случај за наводно лажно сведочење за време на парламентарната истрага минатата година.
На конференцијата за медиуми, Курц рече дека оставката е „привремена“ и дека планира да се врати на функцијата кога „обвинувањата на обвинителството ќе се покажат како неосновани“.
Се повлекувам за да спречам хаос и за да се реши ситуацијата во која се најде коалицијата“,
рече Курц.
Тој најави дека ќе премине во парламентот како шеф на парламентарниот клуб на неговата партија.