Пред три дена полицијата влезе во просториите на австрискиот канцелар и изврши претрес во становите на неговите најблиски соработници. Курц, деветмина негови соработници, како и три организации се под истрага на Обвинителството за борба против економски криминал, под сомнение дека пари од државната каса биле искористени за истражување што го прикажува австрискиот канцелар во подобро светло
Зелените, кои заедно со Австриската народна партија (ОВП) ја формираат владата на Курц, посочија дека раководството на канцеларот може да биде доведено во прашање со обвинувањата за корупција
Австрискиот канцелар Себастијан Курц синоќа им се обрати на граѓаните на Австрија, нагласувајќи дека има намера што побрзо да покаже дека обвинувањата против него се неточни и ја посочи неговата подготвеност и подготвеноста на неговата Народна партија (ОВП) да продолжат да работат во Владата.
„Во изминатите неколку дена, видливи се тензии и несигурност. Многу работи се мешаат и важно е некои работи да се разграничат. Од една страна, има СМС пораки од пред неколку години, некои се мои, кои се емотивно формулирани на начин што не би го направил денес. Од друга страна, постојат обвинувања против мене кои се неточни“,
објасни тој.
Курц рече дека е добро што во правна држава, како што е Австрија, секој има можност да докаже дека станува збор за неточни обвинувања.
„Претседателот на Австрија рече дека презумпцијата на невиност мора да важи за сите, и мислам дека политичарите не треба да да имаат подобар третман за тоа прашање отколку граѓаните, но не и полош. Добро е што ќе можам да ги отфрлам сите обвинувања против мене во понатамошната постапка“,
додаде тој.
Курц посочи дека ќе стори сé за да се расветли целиот случај што е можно поскоро, бидејќи, како што изјави, тоа е во негов интерес.
„Освен прашањето за обвинувања за нешто од 2016 година, тука е и прашањето што се случи со Владата и земјата. Како канцелар и претседател на ОВП, разговарав со тим од мојата партија и дојдовме до заклучок дека како демократи прифаќаме ако има други мнозинства во парламентот, но истовремено сакаме да го нагласиме тоа како тим во Владата сакаме да продолжиме да работиме. Тоа го докажавме година и половина со нашиот коалициски партнер во борбата против пандемијата, во заздравувањето на економијата“,
рече тој.
Курц нагласи дека ќе остане во постојан дијалог со претседателот на државата и ќе стори сé за да ја зачува стабилноста на земјата, но и со вицеканцеларот, на кого, како што изјави, ќе му понуди разговори за понатамошна работа на Владата.
Пред три дена полицијата влезе во просториите на канцеларот и изврши претрес во становите на неговите најблиски соработници. Курц, деветмина негови соработници, како и три организации се под истрага на Обвинителството за борба против економски криминал, под сомнение дека пари од државната каса биле искористени за истражување што го прикажува австрискиот канцелар во подобро светло.
Зелените, кои заедно со Австриската народна партија (ОВП) ја формираат владата на Курц, посочија дека раководството на канцеларот може да биде доведено во прашање со обвинувањата за корупција.
Себастијан Курц е првиот канцелар чија влада веќе падна со гласање недоверба во 2019 година. Тој успеа да се врати на власт во јануари 2020 година, но повторно е во истата опасност.