Од СДСМ за „360 степени“ брифираат дека се работи само техничко усогласување во две одредби
Претседателот на Собранието Талат Џафери во 21.15 часот ја отвори 134 седницата на Собранието на која информираше дека Владата ги повлекла законските решенија за ЈО и за Совет на јавни обвинители што вчера ги пушти во собраниска процедура.
По ова тој ја закажа новата 135 седница за 22 часот, откако координаторот на пратеничката група на ВМРО-ДПМНЕ Никола Мицевски побара пауза од еден час, бидејќи како што рече, ги немаат видено новите предлог законски решенија што ги доставила Владата.
„Пред само неколку минути добивме предлог повлекување на законот за ЈО и законот за изменување и дополнување на законот за советот на јавни обвинители. Истите овие дописи немаат потпис од претседателот на Владата и доставени се нови предлог закони со одредени измени. Од информациите што ги имаме, а вие како медиуми можеме полесно да ги добиеме затоа што денеска опозицијата беше под целосна изолација, точка за повлекување на законите не била утврдена на дневниот ред на Владата“, рече Мицевски.
Тој повика да не се носи закон со одложена примена по скратена постапка притоа игнорирајќи ги забелешките од опозицијата, пратеничките групи и експертите.
Седницата за предлог законот за ЈО и за измени на Законто за СОвет јавни обвинители беше закажана за денеска во 17 часот, но беше одложена за 18 часот, а потоа и за 21.15 часот.
Причина е што владата во меѓувреме ги повлекла предлозите и околу 20 часот се пристигнати нови законски решенија во кои според информации на „360 степени“ има само технички усогласувања.
Како што брифираат од СДСМ за „360 степени“ политичката согласност околу содржината на законот за јавно обвинителство воопшто не е загрозена, туку денеска се работело на технички усогласувања, како што се времето на стапување на сила и времето на почеток на примена на законот, имајќи ги предвид неопходните подготовки што институциите мора да ги спроведат за да може тој да се применува.
*Поврзани вести
Владата го достави законот за ЈО во парламентот, ќе се гласа в среда?
(ВИДЕО) Беса и Алијанса за Албанците нема да го поддржат законот за ЈО