Ако сакате да менувате во Уставот, тогаш повелете излезете на избори, прашајте ги граѓаните, па тие нека одлучат. Така е во скандинавските земји, во Шведска е така, вели лидерот на ВМРО-ДПМНЕ
Лидерот на ВМРО-ДПМНЕ, Христијан Мицкоски повторно ја повика власта доколку сака уставни измени тогаш „да се охрабри“ и да излезе на предвремени парламентарни избори за граѓаните да можат да одлучат.
„Ако сакате да менувате во Уставот, тогаш повелете излезете на избори, прашајте ги граѓаните, па тие нека одлучат. Така е во скандинавските земји, во Шведска е така. Ако сакате да менувате Устав, тогаш извинете излезете, па менувајте. Не излезе Заев во 2020 година, Ковачевски воопшто не ни излезе на избори, ама еве Заев не излезе со програма да менува Устав, па да рече еве јас ќе го менува Уставот, ќе ги внесувам Бугарите, па гласајте дали сте за мене или не сте за мене“,
рече Мицкоски во вечерашното гостување во емисијата „Само интервју“ на Канал 5.
Мицкоски нагласи дека ниту тој, ниту опозицијата не е виновна што владата на СДСМ не размислила кога носела политички одлуки без претходно да обезбеди општествен консензус.
Лидерот на најголемата опозициска партија го повтори и партискиот став околу клубот „Цар Борис Трети“ во Охрид, повикувајќи ја Владата да го затвори.
Имаме клуб што провоцира и носи име на човек кој што во македонската историја нема добра улога, тоа е Царот Борис Трети кој што бил соработник на нацистите во Втората Светска војна, и кој што од Македонија испратил повеќе од 7 200 Евреи во концентрациониот логор Треблинка“, рече Мицкоски.
Прашан дали очекува клувот да биде затворен, лидерот на ВМРО-ДПМНЕ, рече дека која што ја сака државата и сопствениот народ треба веднаш да го забрани клубот, правејќи паралела со македонскиот културен клуб „Никола Вапцаров“ во Благоевград, каде здружението што стоеше зад него беше укинато од локалните судски власти.
„Влада која што си ја сака својата држава и си го почитува својот народ треба тоа да го направи и да го забрани, исто како што се сеќавам веднаш после отворањето на оној клуб во Благоевград кој што го носи името на Никола Јанков Вапцаров, човек кој што обединува, кој што може да биде одличен мост помеѓу двата народа македонскиот и бугарскиот, беше затворен. Овој човек не само што не обединува, туку има навистина срамна улога во историјата за македонскиот народ,
истакна Мицкоски.