„Она што е поважно е дека оваа коалиција ќе продолжи да биде гарант за интеграцијата на земјата во ЕУ и гарант за правата на Албанците, бидејќи изборите покажаа дека го добивме мандатот на Албанците да ги претставуваме и донесуваме одлуки кои се за доброто на сите граѓани и на државата кон европската интеграција, рече лидерот на БЕСА, партија која е дел од коалицијата „Вреди“
За време на викендот, но поверојатно од понеделник да почне официјализирањето на средбите и координацијата на активностите околу формирањето на новата влада. Кадровските прашања ќе бидат дел од втората фаза на разговори.
Ова вечерва го рече градоначалникот на Општина Тетово и претседател на Движењето Беса дел од Коалицијата „Вреди“, Биљал Касами, посочувајќи дека до крајот на неделата ќе ги имаат готовите работни групи, кои ќе ги водат преговорите на средбите околу коалицирањето со коалицијата „За твоја Македонија“, која освои 58 мандата на парламентарните избори кои вчера се одржаа.
„Она што е поважно е дека оваа коалиција ќе продолжи да биде гарант за интеграцијата на земјата во ЕУ и гарант за правата на Албанците, бидејќи изборите покажаа дека го добивме мандатот на Албанците да ги претставуваме и донесуваме одлуки кои се за доброто на сите граѓани и на државата кон европската интеграција,
рече Касами.
На прашањето дали тој лично ќе преземе некаква функција во извршната власт, Касами одговори дека ќе продолжи со работата како градоначалник на Општина Тетово.
„Што се однесува до мојата одлука, самите Тетовци покажаа дека ме чекаат уште многу работи да направам во Тетово кои се отворени и кои мора да продолжат“,
рече Касами.
Христијан Мицкоски, претседателот на опозициската ВМРО-ДПМНЕ која освои најмногу пратенички мандати на вчерашните парламентарни избори, вечерва во телевизиско гостување повтори дека коалицијата „Вреди“ ќе биде нивниот главен коалициски партнер.
Оцени дека се вистински претставник на албанската заедница во земјава, и додаде дека во идната влада се добредојдени сите кои ќе ја почитуваат предизборната програма на ВМРО-ДПМНЕ.