Министерот за внатрешни работи Наќе Чулев очекува Владата утре да го скрати полицискиот час и, како што беше најавено денеска, наместо во 16 да почнува во 19 часот.
„Поминаа 30 дена од мерката забрана за движење и како МВР, бидејќи секојдневно сме на терен, можевме да утврдиме дека има зголемено негативно влијае кај граѓаните, како зголемена агресија, тензија. Исто така, сега свеста на граѓаните е зголемена и затоа сметам дека забрната за движење треба да се релаксира. Секој ден полицискиот час да почнува од 19 часот и тоа да важи и за викендите“,
рече Чулев во вечерашното гостување во емисијата “Топ Тема” на “Телма” ТВ.
Во иста насока во текот на денот беше и објавата на Чулев дека поднел предлог до Владата за олабавување на полицискиот час.
„Имајќи ги предвид статистичките податоци кои се однесуваат на лицата кај кои е утврдено присуство на корона вирусот кои имаат надолна тенденција и фактот дека зад нас е ограничување на движење кое траеше цели 85 часа и кое покрај превентивна здравствена улога, имаше негативно влијание на психосоцијалната состојба кај граѓаните ја информирам јавноста дека утрово на седницата на кризниот штаб во рамките на владата предложив итно и неодложно намалување на времетраењето на ограничувањето на движењето за граѓаните“,
објави Чулев.
Чулев во „Топ Тема“ најави дека ќе предложи и укинување на забраната за движење по шуми и паркови, но притоа да се носи заштитна опрема.
„Јас сум да се носи заштитна опрема, но за сметка на тоа да се релаксира ограничувањето на движењето. Нормално да се почитува и препораката за држење на растојание од два метра“,
истакна Чулев.
*Поврзани вести:
Скратувањето на полицискиот час утре ќе се најде на владина седница
Чулев: Предложив итно намалување на ограничувањето на движење