Во болниците во земјава има вкупно 487 лица со ковид-19, од кои девет се примени во изминатите 24 часа. Од нив седум се на Инфективната клиника, а двајца во ГОБ „8 Септември“.
На Инфективната клиника сега има вкупно 92 пациенти од кои на кислородна поддршка се 61 пациент, нема пациенти на механичка вентилација.
Во болницата во Козле хоспитализирани се шест деца и шест мајки позитивни на Ковид-19, две деца и три мајки суспектни на вирусот.
Во ГОБ „8 Септември“ со новопримените двајца пациенти, вкупно се хоспитализирани 47 пациенти од кои на респиратор се четири пациенти. Во болницата во Битола се хоспитализирани 45, а во болницата во Штип се 56 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица, Струга и Кочани се хоспитализирани 230, позитивни и сомнителни на Ковид-19.