Целата јавност вчера слушна како незрелиот и неодговорен Христијан Мицкоски ги прекршил мерките и задолженијата за спречување на заразата од коронавирусот. Христијан Мицкоски, дали имаш трошка срам?, праша портпаролот на СДСМ, Костадин Костадинов на прес-конференција на „Боемска“ откако синоќа на оваа улица во кафеана во затворениот дел кој е забранет за работа беше „уловен“ лидерот на ВМРО-ДПМНЕ.
„Твоето вчерашно однесување е директен доказ зошто се соочуваме со втор бран, и дека тоа е од непочитување на мерките и неказнување од МВР, а не зашто Владата нема добра стратегија. Нашата стратегија не е проблемот, проблемот е што ти и твоите послушници во МВР цело време намерно и организирано ја саботирате“,
порача Костадинов.
Тој го обвини по Мицкоски дека лаже оти не бил запознаен со протоколите и оти му било првпат. Го прозва и дека намерно и организирано не ги почитуваат мерките надевајќи се на зголемување на бројот на заболени, а неговите, како што рече, гавази во МВР тоа го кријат и се борат против своите колеги во министерството и против инспекторите од Државниот пазарен инспекторат.
„Како не ти е жал за болните, за докторите, за оние кои поради тебе и таквите како тебе кои не ги почитуваат мерките сега мораат повторно да бидат во карантин. Како не чувствуваш одговорност за новите заболени? Сега што ќе измисли Наќе пак? Кој отсјај сега ќе те покрива? Срамот од ова однесување е голем, но одговорноста е поголема. Во оваа ситуација, политичарите мораме да бидеме пример за однесувањето на граѓаните, а не причина за нови пикови. Срам да ти е! Граѓаните ќе ценат и ти судат за твојот незрел однос“,
рече портпаролот на СДСМ.