Според бројот на вакцинации на еден милион жители, Србија е втора во Европа, по Велика Британија, јавува Танјуг
Вкупно 1 501 917 дози вакцини против коронавирус се дадени досега во Србија, а втора доза на вакцина примиле 530 863 лица, според последните податоци од владата, јави Танјуг.
Кога станува збор за бројот на вакцинации на милион жители, Србија е на шестото место во светот – по Израел, Сејшелите, Обединетите Арапски Емирати, Велика Британија и САД.
Според бројот на вакцинации на милион жители, Србија е втора во Европа, по Велика Британија.
Кога станува збор за бројот на оние што примиле втора доза на вакцина на милион жители, Србија е прва во Европа и четврта во светот, по Израел, Сејшелите и Обединетите Арапски Емирати.
Србија е убедливо прва во регионот според бројот на вакцини на милион жители, по што следуваат Унгарија, Словенија, Романија, Хрватска, Бугарија, Албанија и Црна Гора.
Србија е на прво место во регионот според бројот на граѓани што ја примиле втората доза на вакцината на милион жители.
Според вкупниот број вакцини и ревакцинации, Србија е втора во регионот, по Романија.