Во Полска е прогласена дводневна жалост
Знамињата на Европската Унија се спуштени на половина копје по вчерашниот вооружен напад на главниот плоштад во Краков, во кој шестмина загинаа, а шеснаесет беа повредени.
Претседателката на Европската комисија, Урсула фон дер Лајен, денеска изрази жалење и неверување по нападот во Краков, наведувајќи дека знамињата на Европската Унија се спуштени во знак на сеќавање на жртвите и оддавање почит на припадниците на службите за вонредни ситуации кои реагираа за време на нападот.
This morning, Europe woke up in grief and disbelief after yesterday’s horrific attack in Krakow. Our flags fly at half-mast in honour of the victims and the brave first responders. They stand for European unity and solidarity. Stronger than hatred. Stronger than extremism. https://t.co/DCdyg6CqLj
— Ursula von der Leyen (@vonderleyen) November 8, 2026
Сочувство изрази и претседателката Гордана Сиљановска-Давкова.
„Со длабока тага и жалост ја примив веста за терористичкиот напад во Краков. Во име на македонските граѓани, упатувам најискрено и длабоко сочувство до семејствата на жртвите, до повредените и до целиот полски народ. Овој безумен чин на насилство однесе невини животи, а многу други луѓе се повредени. Во овие тешки моменти, македонскиот народ стои во целосна солидарност со Полска. Ја споделуваме вашата тага и изразуваме длабоко сочувство до сите погодени од оваа трагедија“,
порача претседателката.
It is with profound sadness and deep sorrow that I learned of the terrorist attack in Kraków. On behalf of the Macedonian citizens, I extend my sincerest and most heartfelt condolences to the families of the victims, to the injured, and to the entire Polish nation. This senseless act of violence has claimed innocent lives and left many others injured. In these difficult moments, the Macedonian people stand in full solidarity with Poland. We share in your grief and extend our deepest sympathies to all those affected by this tragedy.
— Гордана Сиљановска Давкова (Gordana Siljanovska) (@gogamkd) November 8, 2026
Инцидентот се случи вчера попладне откако маж со возило влегол на главниот плоштад во Краков и почнал да пука „наслепо“ од автомобилот, при што уби шест лица, а бројката на повредени се искачи на шеснаесет.
Меѓу убиените, тројца се полски државјани и еден е британски, додека останатите двајца сѐ уште не се идентификувани.
Меѓу повредените има пет странски државјани – од Австрија, Германија, Португалија, Русија и Велика Британија.
Полицијата го идентификуваше напаѓачот како 25-годишен полски државјанин, но не го потврди неговото име. Според портпаролот на полицијата, осомничениот носел „облека во воен стил“ и поседувал оружје од воен тип. Сепак, властите наведоа дека тој не бил војник.
Министерот за внатрешни работи изјави дека првичните истраги укажуваат оти тој бил инспириран од „крајнодесничарски идеологии“. Министерот го опиша како „ултранационалист“, без да наведе дополнителни детали.
Напаѓачот се наоѓа во болница. За време на апсењето и тој возвратил со оган, па затоа меѓу повредените се и двајца полицајци, од кои едниот е во критична состојба.
Синоќа,премиерот Доналд Туск кажа дека во домот на осомничениот се пронајдени три тела, кои полицијата подоцна ги идентификуваше. Станува збор за членови на неговото семејство, потврди полската полиција. Идентификувани се како 53-годишниот татко, 52-годишната мајка и 21-годишната сестра на осомничениот, објави Би-би-си.
Во Полска е прогласена дводневна жалост.