Лидерот на СДСМ, Зоран Заев, се огласи на Фејсбук откако неговиот резултат на коронавирусот се покажа негативен. Заев вели дека ќе остане дома во самоизолација според утврдените протоколи.
„Им благодарам на граѓаните, на сите, за поддршката што денеска стигнуваше од целата држава, но и од странство.На уредникот на Канал 5, Гоце Михајлоски, му посакувам брзо закрепнување, нему и на неговото семејство. Воедно упатувам силна поддршка до новинарите и медиумските работници кои во овој период се изложени на ризик вршејќи ја својата работа за навремено и точно информирање на јавноста што е од огромно значење“,
напиша Заев.
Тој додава дека сите граѓани мора да ги почитуваат мерките, да се зголеми личната хигиена и да се намалат физичките контакти.
*Поврзана вест: Четворица вработени во Канал 5 во самоизолација