На гласањето му претходеше жестока дебата во која доминираа острите критики на пратениците од редовите на опозциската ВМРО-ДПМНЕ за сега веќе усвоените измени. Пратеничката Гордана Силјановска-Давкова на пленарната дебата рече дека измените се убиство на правото и правдата и дека постапката за нивно донесување била побрза од корупцијата и криминалот. „Се срамам што предавам право, не сум сонувала дека може за три саати да се донесе закон. Им се извинувам на граѓаните ако нешто повторувам од Комисијата (за европски прашања), ама пред еден час заврши, побрзи од ветар сте во одбраната на корупцијата и криминалот“, рече Силјановска-Давкова
Заменик-министерката за правда и претседателка на надзорниот одбор на СДСМ, Викторија Аврамовска-Мадиќ, која ги бранеше измените во Собранието, рече дека во Кривичниот законик има 422 кривични дела за кои ќе може да одговара секој што се огрешил пред законот, „па дури и ние“. Таа нагласи дека тој што е добар правник сега ќе го отвори законот и ќе види дека постои злоупотреба на јавни повици, доделување на јавна набавка и самиот став 1 од членот 353 на никого нема да му го прости тоа што ќе ја злоуотреби службената положба, па дури и во јавна набавка
Со 48 гласа „за“, 36 „против“ и еден „воздржан“, Собранието на 125. Пленарна седница доцна попладнево ги донесе измените и дополнувањата на Кривичниот законик.
„Бидејќи е исцрпена листата на пријавени за збор, констатирам дека општиот претрес по предлог-законот е завршен. Со оглед на тоа дека не е поднесен дополнет предлог за Закон на којшто можат да се поднесат амандмани за седницата на Собранието, преминуваме на одлучување по предлог-законот во целина. Предлог-законот во целина го ставам на гласање, Ве повикувам да гласаме. Вкупно гласаа 85 пратеници. „За“ гласаа 48 пратеници , „против“ – 36, „воздржан“ – еден. Констатирам дека Собранието го донесе законот за изменување и дополнување на Кривичниот закони,
рече претседателот на Собранието, Талат Џафери, по изгласувањето на измените и премина на следната точка на дневен ред.
На гласањето му претходеше жестока дебата во која доминираа острите критики на пратениците од редовите на опозициската ВМРО-ДПМНЕ за сега веќе усвоените измени.
Аргументите кои ги изнесоа беа дека измените се носат со цел да се амнестираат дел од владејачките структури од криминал, а обвинија и за злоупотреба на „европското знаменце“ со кое по скратена постапка измените беа поднесени во Собранието.
„Имаме можност да дискутираме за еден закон којшто е едно олицетворение на една хипокризија и на едно лицемерие прикажано од овие коишто се моментално на власт, претставено во неколку степени. Прво сакам да претставам на јавноста, на многумина на коишто се тука, кои ги гледам во собраниските клупи, коишто мавтаа со една премиса ‘Нема правда, нема мир’ и носеа маици во 6 часот пред СЈО и велеа дека ќе ја вратат правдата, а криминалците од тогашното владеење ќе ги испратат во затвор. И сега имаме еден случај каде што шест години континуирано она за коешто би кажал лицемери се занимаваа и кажуваа дека ќе го сменат, не само што не го сменија туку го направија да биде уште полошо“,
рече пратеникот на ВМРО-ДПМНЕ, Бојан Стојаноски на денешната дебата.
Неговата колешка Гордана Силјановска-Давкова рече дека, како што ја нарече, „комисијата за антиервропски прашања“ била сведок на убиство на правото и правдата. Таа се осврна на брзината со која се водеше целата постапка и рече дека измените на Законот биле можеби побрзи од корупцијата и криминалот.
„Може ли да замислите да се смени Кривичен законик за неколку часа? Јас не можев да го замислам до ден-денеска. Што се случи? Чинам дека како да одиме во чекор со криминалот и корупцијата или ако сакате денеска измените на законот беа токму можеби и побрзи од корупцијата и криминалот, поточно обезбедија нејзина заштита. Држава која важи за држава со најспора правда, речи недостижна, има најбрза постапка згора именувана како експертска“,
истакна Силјановска-Давкова на собраниската седница.
Во законот, како што рече таа, пишува дека процесот е обемен и сложен и постапката трае долго, меѓутоа „денеска ниту имаше редовна постапка ниту имаше судии, професори, адвокати, отсуствуваше јавноста“.
Пратеничката рече оти не верува дека некој ќе смее да гласа за ваков закон бијдеќи, како што истакна, ова е крај на правото и правдата, ова е нешто што не го сонувала, а денеска се случува.
„Се срамам што предавам право, не сум сонувала дека може за три саати да се донесе закон. Им се извинувам на граѓаните ако нешто повторувам од Комисијата, ама пред еден час заврши, побрзи од ветар сте во одбраната на корупцијата и криминалот“,
потенцира Силјановска-Давкова.
Заменик-министерката за правда и претседателка на надзорниот одбор на СДСМ, Викторија Аврамовска-Мадиќ, која ги бранеше измените во Собранието, рече дека во Кривичниот законик има 422 кривични дела за кои ќе може да одговара секој што се огрешил пред законот, „па дури и ние“.
Таа нагласи дека тој што е добар правник сега ќе го отвори законот и ќе види дека постои злоупотреба на јавни повици, доделување на јавна набавка и самиот став 1 од членот 353 на никого нема да му го прости тоа што ќе ја злоуотреби службената положба, па дури и во јавна набавка.
„Бидејќи многу сакате да изигрувате обвинители, вие во 24 часа ќе можете тоа да го решите, да ве постетам дека во Кривичниот законик има и еден друг член „тешки дела против здравјето на луѓето“,
рече заменик-министерката за правда, алудирајќи на случувањата во Клиниката за онкологија во Скопје.
Во врска со обвинувањата за злоупотреба на „европското знаменце“ министерката за правда, која им реплицираше на пратениците од опозицијата, рече дека од вкупно 38 члена во законските измени и дополнувања, 35 се со директивите на Европската Унија.
„За да нема забуни и дилеми зошто Законот е со европско занаменце, нагласувам дека предвидува 38 члена од кои 35 се со директивите на ЕУ. Вчера кога го давав Предлогот зошто треба да биде со европско знаменце и по скратена постапка, напоменав дека целта е усогласување со европското законодавство“,
рече Аврамовска – Мадиќ.
Предлог-измените на Кривичниот законик кои Владата ги поднесе во Собранието по скратена постапка (со европско знаменце) предзвикаа лавина реакции во јавноста. Со нив, меѓу другото, се предвидува намалување на казните во членот 353 кој се однесува на злоупотреба на службената положба и овластување, кој најчесто се користеше за гонење службени лица и функционери, како и намалување на казните за делото злосторничко здружување од членот 394, односно наместо сегашните кои предвидуваат од една до десет години затвор, на една до три години затвор. Тоа повлекува и порано застарување на кривичните дела.
Владата ги утврдила измените и дополнувањата на седницата одржана на 29 август 2023 година, но јавноста не беше информирана за тоа.
Претходно денеска измените го поминаа собранискиот филтер во Комисијата за европски прашања, каде што, исто така, беа жестоко критикувани од членовите на Комисијата од редовите н ВМРО-ДПМНЕ.
Повеќе поврзани вести со темата можете да прочитате на следните линкови: