Во случај, сепак, да биде продолжена вонредната состојба (за помалку од 14 дена) гласањето би се реализирало на 12 јули или во работен ден потоа
Десеттите парламентарни избори ќе се одржат на 5 јули, според измените на Уредбата за изборниот процес што вечерва ги донесе Владата, а кои главно се во насока на ажурирање на избирачкиот список.
Со оваа, практично, се овозможува ажурирањето на избирачкиот список да почне пред да заврши вонредната состојба, на 14 март и да тече паралелно со кампањата.
Владата исто така го овласти МВР да достави податоци за лицата кои ќе стекнат полнолетство до 22.ден од завршувањето на вонредната состојба. Ако вонредната состојба заврши в недела, тогаш 22 ден е 5 јули.
Меѓутоа, овој датум не е прифатлив за опозициската ВМРО-ДПМНЕ како термин за гласање, со аргументација дека се уште нема услови за тоа, поради ситуацијата со коронавирусот.
Министерот за внатрешни работи Наќе Чулев бил единствен кој гласал против измените на Уредбата.
Претседателот на ДИК Оливер Деркоски, пак цело време тврдеше дека се потребни нови 50 дена за завршување на изборниот процес.
Владата би можела повторно да интервенира во оваа Уредба најдоцна до недела, освен ако има ново продолжување на вонредната, состојба.
Во спротивно, Владата веќе нема, да има надлежност да носи уредби со законска сила, така што ќе треба, да се бараат други механизми во случај на евентуално ново пролонгирање на изборниот термин.
Според наши информации, другата можност е вонредната состојба, сепак, да биде продолжена, но за помалку од 14 дена, така што изборите би паднале најрано на 12 јули или во работен ден потоа, кој би бил прогласен за неработен.