Откако беше покренато прашањето за избори, во ДИК се појави разногласие околу датумот кога би се одржале
Претседателот на Државната изборна комисија (ДИК) Оливер Деркоски вели дека тој нема да го потпише избирачкиот список додколку се донесе одлука да се одржат изборите за 22 дена и се надева дека истото би го направиле и дел од колегите, бидејќи според него во тој рок не може да се изготви избирачкиот список.
„Јас не сакам да носам одговорност за нелегитимен процес и не може да ме натераат на тоа. Треба да се почитуваат законските прописи во државата“, изјави Деркоски во интервју за порталот Курир.
Сепак во интервјуто тој вели дека доколку се донесе одлука ДИК ќе мора да ги спроведат изборите иако во оваа ситуација процесот ќе биде многу комплициран.
„Не е возможно да се одржат избори за 22 дена затоа што нема избирачки список. Со кој избирачки список би оделе на избори? Толкувањето на уредбата која е предмет на некои политичари, експерти и слично вели дека не треба да се продолжи 22-от ден пред денот на изборите. Уредбата вели дека се запираат дејствијата кои што беа дотогаш, а во вториот став се вели дека на ДИК и се дава задача ден по вонредната состојба да изготви ревидиран роковник, тоа значи дека ДИК ќе мора да ги предвиди овие рокови за избирачкиот список повикувајќи за на изборниот законик. Во тој роковник ние ќе ги предвидиме сите рокови кои се потребни за да се направат легални и легитимни избори“,
вели Деркоски.
Претседателот на ДИК Деркоски смета дека ќе бидат потребни дополнителни од 50 до 60 дена за да се организираат изборите што е во согласност со ставот на ВМРО-ДПМНЕ, додека членот на ДИК од СДСМ Борис Кондарко изборите може да се одржат уште во првата недела од јуни, при што се повикува на тоа дека со Уредбата со која се регулира прекинот на процесот предвидено е дека сите дејствија на Комисијата до 21 март се во сила и важат, така што процесот ќе продолжи со преостанатите 22 дена веднаш по завршувањето на вонредната состојба, без разлика кога тоа ќе се случи.
Кондарко: Деркоски едно потпиша, друго зборува
Вчера, ДИК му доставила мислење на претседателот Стево Пендаровски во врска со изборниот процес и временската рамка која е потребна за тоа, во кое е потенцирано дека ДИК смета оти е потребно Владата да донесе нова уредба со законска сила и да пропише нови рокови за Избирачкиот список и за увидот во него. Таа уредба, стои во мислењето на ДИК, треба да биде приспособена на сегашната фаза во која се наоѓаат изборите.
Кондарко вчера за МИА изјави дека на мислењето кое е доставено има потпис од претседателот на Комисијата, Деркоски кој сега дала изјави која не соодветствува со она што претходно го потпишал.