Доаѓа период кога времето заладува, а воздухот ќе биде загаден. Кога времето е студено многу е важно секој од нас да се грижи за сопственото здравје…, набројува министерот за здравство
Во видео-порака објавена на неговиот ФБ профил, министерот за здравство објаснува зошто мора да се носи прекривка на лицето за заштита од ковид-19.
„Доаѓа период кога времето заладува, а воздухот ќе биде загаден. Кога времето е студено многу е важно секој од нас да се грижи за сопственото здравје, па дури и од настинка и сезонски грип. Во таа смисла, прекривката на устата и носот, маска, марама, шал овозможува да дишеме топол воздух, да не се најдеме во група во која има носител на вирусот и да се избегне штетното влијание на ПМ 10 честичките за кои има докази дека му овозможуваат на вирусот да патува подалеку од вообичаениот пат на флигиовата капка за време на зборувањето“,
вели Филипче.
Сето тоа, посочува министерот, се аргументи на кои ни укажаа стручни лица – инфектолози и епидемиолози – дека сепак мора да се носат маски и на отворено.
„Мислам дека оваа мерка значајно може да влијае на епидемиолошката слика, да го намали бројот на новозаразени и да ја спречи трансмисијата на вирусот“,
истакнува Филипче
Словенија ги заостри мерките: Онлајн-учење, забрана за движење меѓу региони, маски на отворено…