Експерти за човекови права на Обединетите нации (ОН) соопштија за 450 случаи на тортура и сурово постапување во Белорусија од страна на безбедносните служби во протестите против резултатите од изборите.
Голем дел од лицата кои не се знаеше каде се, се најдени, но местоположбата и здравствената ситуација на најмалку шестмина е сè уште непозната за нивните роднини, соопштија од Канцеларијата на Врховниот комесар за човекови права на ОН.
„Ние сме многу вознемирени од стотиците изјави за мачење и други сурови постапки од полицијата“,
истакнаа во ОН.
Од ОН велат дека поседуваат податоци за „насилство во однос на жени и деца, вклучувајќи и сексуално насилство“.
Протестите против разултатите од изборите на 9 август во Белорусија продолжуваат. Во Минск денеска на марш излегоа 1 500 студенти.