Тој рече дека пристапниот протокол се иницира и дека Турција потврдила дека ќе го ратификува влезот на Шведска
Турскиот претседател Реџеп Таип Ердоган се согласи да го поддржи влезот на Шведска во НАТО, објави шефот на НАТО, Јенс Столтенберг.
Тој рече дека пристапниот протокол се иницира и дека Турција потврдила дека ќе го ратификува влезот на Шведска.
„Ова е историски чекор што ги прави сите сојузници на НАТО посилни и побезбедни“,
напиша Столтенберг на Твитер.
Glad to announce that after the meeting I hosted with @RTErdogan & @SwedishPM, President Erdogan has agreed to forward #Sweden‘s accession protocol to the Grand National Assembly ASAP & ensure ratification. This is an historic step which makes all #NATO Allies stronger & safer. pic.twitter.com/D7OeR5Vgba
— Jens Stoltenberg (@jensstoltenberg) July 10, 2023
Турскиот претседател денеска побара забрзано членство на Турција во ЕУ за подигање на блокадата за пристапување на Шведска во НАТО.
По ова се огласија од американскиот Стејт департмент, од каде што посочија дека барањето на Турција за членство во ЕУ не треба да биде пречка за влез на Шведска во НАТО.
„Сметаме дека тоа е посебно прашање од прашањето за членство на Шведска во НАТО. Дојде време Шведска да влезе во НАТО, ние тоа го поддржуваме и државниот секретар Блинкен тоа неколкупати го кажа во текот на разговорите со министерот за надворешни работи на Турција, Фидан“,
изјави портпаролот Метју Милер.
Реагираше и германскиот канцелар Олаф Шолц, кој изјави дека нема врска меѓу преговорите за членство на Турција во Европската Унија и влезот на Шведска во НАТО.