Во мај годинава Кривичниот суд му пресуди 12 години затвор на Јовановски, прогласувајќи го виновен за три кривични дела – телесна повреда, односно повреди сторени како продолжено дело на семејно насилство, загрозување на сигурноста и наведување и помагање во самоубиство. Апелација во јуни ја потврди пресудата
Врховниот суд го одби како неосновано барањето на Стојанче Јовановски за вонредно преиспитување на правосилната пресуда со која беше осуден на 12 години затвор, во случајот за смртта на неговата сопруга Ивана и малолетната ќерка Катја, кои починаа по пад од балкон на зграда во скопско Тафталиџе.
Во мај годинава Кривичниот суд му пресуди 12 години затвор на Јовановски, прогласувајќи го виновен за три кривични дела – телесна повреда, односно повреди сторени како продолжено дело на семејно насилство, загрозување на сигурноста и наведување и помагање во самоубиство. Апелација во јуни ја потврди пресудата.
„Врховниот суд ја информира јавноста дека донесе пресуда со која се одбива како неосновано барањето за вонредно преиспитување на правосилната пресуда поднесено од осудениот, преку неговите бранители, со која е огласен виновен за кривични дела и осуден на единствена казна затвор во траење од 12 години. Пресудата ќе биде објавена на веб-страницата на Судот, согласно Законот за управување со движењето на предметите во судовите“,
соопштија од Врховниот суд.
На почетокот на март годинава, 31-годишната Ивана заедно со својата шестгодишна ќерка Катја почина по пад од зграда во Скопје. Истрагата утврди дека на трагедијата ѝ претходело долгогодишно физичко и психичко насилство врз Ивана од страна на нејзиниот сопруг Стојанче Јовановски, кој потоа беше обвинет за случајот.