Тој додаде дека правото на избор е гарантирано право на секој граѓанин и дека околу тоа не би смеело да се коментира. Зборувајќи во тој контекст Џафери му се обрати на новинарот, констатирајќи дека со него се познава триесетина години и доколку тој реши да се кандидира за некоја функција, познанството со претседателот на Собранието не би требало да му биде пречка
Претседателот на Собранието, Талат Џафери не спори дека го познава новиот шеф на Основното јавно обвинителство за гонење на организиран криминал и корупција (ОЈО ГОКК), Ислам Абази и потенцира дека би било некоректно да се каже поинаку.
„Ние сме мала држава, ако одиме во рамки на тоа дали се познаваме или не се познаваме ќе биде некоректно да кажеме дека ние не го познаваме човекот кој што нѝ бил во Вишото обвинителство во градот Гостивар. Така да во тој контекст не е спорно дали ние се знаеме или не“,
изјави Џафери, одговарајќи на новинарски прашања за време на денешниот настан во Гостивар во рамките на караванот „Собрание за граѓаните“ финансиран од Швајцарската агенција за развој и соработка.
Тој додаде дека правото на избор е гарантирано право на секој граѓанин и дека околу тоа не би смеело да се коментира. Зборувајќи во тој контекст Џафери му се обрати на новинарот, констатирајќи дека со него се познава триесетина години и доколку тој реши да се кандидира за некоја функција, познанството со претседателот на Собранието не би требало да му биде пречка.
„Тие се посебна власт во рамки на судската власт, како посебен орган Обивнителство така да секако поинаков коментар е на штета на системот и на властите а не во смисла на она кои се релациите. Во таа смисла и јас и вие се знеме, колку 25 – 30 години. Ако утре вие одите некаде да бидете избрани и поради тоа што се познавате со претседателот на Собранието да имате пречка при тој избор. Правото на избор е право гарантирано на секој граѓанин – да биде избран, именуван, да гласа. Така да во тие рамки не би смеело да се коментира“,
истакна собранискиот спикер, Талат Џафери.
Инаку, Џафери е по потекло од гостиварското село Форино.
Прашањата за релациите и познаствата на новиот шеф на ОЈО ГОКК, Ислам Абази се актуелизираа откако вчера тој на својата прва прес-конференција по изборот тврдеше дека иако е соселанец со Али Ахмети, нема лични контакти со него или со друг функционер од ДУИ. Дружбите со функционери, според обвинителот, не се забранети, но се непристојни.
По ваквите изјави, во медиумите на албански јазик излегоа фотографии од кои на едната Абази е фотографиран со Невзат Бејта, поранешен градоначалник на Гостивар и висок функционер на ДУИ, а на друга е во друштво на Дилавер Бектеши, обвинител од Кичево, кој исто така се поврзува со ДУИ, а во јавноста е познат како вишиот обвинител од случајот „Титаник 3“ во кој им се судеше на единствените функционери од ДУИ, Ејуп Алими и Исмет Гури, случај кој со години се влечеше и беше вратен на повторно судење.