Денот на смртта на кралицата, 8 септември 2022 година, е „Денот Д“ (D-Day, кратенка од Death Day, односно „Денот на смртта“). Интерно, тој ден ќе се нарекува „Ден Д“, а секој следен ден ќе се вика Д+1, Д+2 и така натаму. Кралицата ќе биде погребана по десет дена од нејзината смрт
На Денот Д+2 (два дена по смртта) ковчегот на кралицата ќе биде донесен во Бакингемската палата, каде што ќе биде пречекан од премиерката и министрите од кабинетот. Бидејќи кралицата почина во Балморал, Шкотска, ќе се активира операцијата „Еднорог“, што значи дека нејзиното тело ќе биде пренесено во Лондон со кралски воз што е можно поскоро. Во спротивно, ќе биде иницирана друга операција што укажува дека ковчегот ќе биде пренесен со хеликоптер
По смртта на кралицата Елизабета Втора се постапува со веќе однапред подготвениот протокол од страна на британските власти кој трае десет дена по смртта на кралицата. Протоколот носи име „Лондон Бриџ“ (Лондонски мост).
Денот на смртта на кралицата, 8 септември 2022 година, е „Денот Д“ (D-Day, кратенка од Death Day, односно „Денот на смртта“). Интерно, тој ден ќе се нарекува „Ден Д“, а секој следен ден ќе се вика Д+1, Д+2 и така натаму. Кралицата ќе биде погребана по десет дена од нејзината смрт.
По смртта на кралицата, според протоколот, нејзиниот приватен секретар го информирал премиерот со зборовите „Лондонскиот мост е урнат“ („London Bridge is down“). За смртта на кралицата потоа се информираат Владата, министрите и државните секретари. Кралската палата објавува „официјално соопштение“ за да ја информира јавноста, а пораката потоа оди до медиумите.
Во рок од десет минути сите знамиња на јавните згради се спуштени на половина копје, а социјалните мрежи на Бакингемската палата и Владата имаат црна позадина.
Како што предвидува протоколот „Лондон Бриџ“, премиерката Лиз Трас е првиот член на владата кој се обрати на јавноста по смртта на кралицата, додека на министрите им беше забрането да даваат изјави пред обраќањето на премиерката.
„Уништени сме од веста за смртта на кралицата, тоа е огромен шок за нацијата и светот“,
рече новата премиерка на Велика Британија, Лиз Трас откако официјално беше соопштено дека почина кралицата Елизабета Втора.
Доколку сите се придржуваат до протоколот „Лондон Бриџ“, престолонаследникот на кралицата Елизабета, веќе официјално кралот Чарлс, ќе мора да се подготви за својот говор кој ќе го одржи пред народот како нов шеф на државата. Ќе следи комеморација во катедралата Свети Павле во Лондон.
Ден Д+1
Престолонаследникот на кралицата, принцот Чарлс ќе биде официјално прогласен за крал во 10 часот, ден по смртта на кралицата. Советот за пристапување – кој вклучува високи владини фигури – се состанува во палатата Сент Џејмс за да го прогласат Чарлс за нов суверен. Ќе бидат замолени да присуствуваат стотици тајни советници, вклучително и премиерот и министрите. Никој не смее да носи никакви украси.
Прогласот потоа ќе биде прочитан во палатата Сент Џејмс и Кралската размена во Лондон, потврдувајќи го Чарлс како крал. Парламентот ќе се состане за да договори порака со сочувство. Сите останати работи на Собранието ќе бидат во прекин 10 дена. Пратениците ќе и оддадат почит на кралицата во Долниот дом.
Во 15:30 часот премиерот и кабинетот ќе имаат аудиенција кај новиот крал. На министрите ќе им се каже да не ги носат сопружниците.
Ден Д+2
Ковчегот на кралицата ќе биде донесен во Бакингемската палата, каде што ќе биде пречекан од премиерката и министрите од кабинетот. Бидејќи кралицата почина во Балморал, Шкотска, ќе се активира операцијата „Еднорог“, што значи дека нејзиното тело ќе биде пренесено во Лондон со кралски воз што е можно поскоро. Во спротивно, ќе биде иницирана друга операција што укажува дека ковчегот ќе биде пренесен со хеликоптер.
Прогласите ќе се читаат во децентрализираните администрации. Оддавањето почит најверојатно ќе продолжи во Собранието.
Ден Д+3
Во утринските часови кралот Чарлс ќе прима сочувство во Вестминстерската сала. Попладне ќе тргне на турнеја низ Обединетото Кралство, која ќе започне со посета на шкотскиот парламент и богослужба во катедралата Сент Џајлс во Единбург.
Ден Д+4
Чарлс ќе отпатува за Северна Ирска, каде што ќе прима сочувство во замокот Хилсборо и ќе присуствува на богослужбата во катедралата „Света Ана“ во Белфаст. Ќе се одржи проба за операцијата Лав, поворката на ковчегот од Бакингемската палата до Вестминстерската палата.
Ден Д+5
Поворката од Бакингемската палата до Вестминстерската палата ќе тргне по свечена рута низ Лондон. По пристигнувањето на ковчегот ќе се одржи служба во Вестминстерската сала.
Ден Д+6 до ден Д+9
Телото на кралицата ќе лежи во Вестминстерската палата три дена, во операција со кодно име „Перо“. Нејзиниот ковчег ќе биде изложен на подигната кутија позната како катафалк во средината на Вестминстерската сала, која ќе биде отворена за јавноста 23 часа на ден. Влезници ќе се издаваат за ВИП личности за да можат да имаат свои термини.
На ден Д+6 ќе се одржи проба за државната погребна поворка. Ден Д+7 е денот кога кралот Чарлс ќе отпатува во Велс за да прими сочуства и таму во велшкиот парламент и да присуствува на службата во катедралата Ландаф во Кардиф.
Во овој период владините ресори ќе бидат зафатени со големи подготовки за погребот. Документите покажуваат дека иако владата има капацитет успешно да ги спроведе сите активности околу погребот, постојат стравувања дека тоа би можело да биде предизвик. Министерството за надворешни работи има задача да го организира доаѓањето на шефови на држави и ВИП личности од странство. Сега, поради пост-ендемијата, постои дополнителна загриженост за тоа како да се организира и управува со влезот на толку многу луѓе во земјата.
Министерството за внатрешни работи е одговорно за безбедносните аранжмани, а владиниот Секретаријат за национална безбедност и разузнавање ќе биде на готовност за каква било зголемена закана од тероризам.
Одделот за транспорт изрази загриженост дека бројот на луѓе кои би можеле да дојдат во Лондон може да предизвика големи проблеми за транспортната мрежа.
Премиерот и кралицата се договорија денот на државниот погреб да биде „Ден на национална жалост“.
Ден Д+10
Самиот погреб ќе се одржи во Вестминстерската опатија. Напладне ќе се одржи двоминутно молчење во целата земја. Церемонии ќе се одржат во Лондон и Виндзор. Богослужбата ќе се одржи во Виндзор во капелата Свети Џорџ, а кралицата ќе биде погребана во меморијалната капела на кралот Џорџ Шести.
Најдолготрајниот британски монарх, кралицата Елизабета Втора, чие владеење траеше седум децении почина на 8 септември на 96-годишна возраст. Таа беше на тронот од смртта на нејзиниот татко, кралот Џорџ Шести.
Кралицата Елизабета Втора владееше со Обединетото Кралство и 14 други кралства на Комонвелтот и стана една од најпрепознатливите жени што некогаш живееле. Таа е монархот со најдолг стаж во Велика Британија. Кралицата дојде на тронот во 1952 година и беше сведок на огромни општествени промени.
Со нејзината смрт, нејзиниот најстар син Чарлс, поранешниот принц од Велс, ќе ја води земјата во жалост како нов крал и шеф на државата за 14 кралства на Комонвелтот.