Кралското семејство сега ќе влезе во период на жалост. Официјалните ангажмани ќе бидат откажани и знамињата ќе бидат спуштени на половина копје на кралските резиденции, владините згради, низ вооружените сили и на претставништата на Велика Британија во странство
Откако официјално беше објавено дека крлицата Елизабета Втора почина, кралското семејство во име на Чарлс, новиот крал објави соопштение:
„Смртта на мојата сакана мајка, нејзиното височество Кралицата, е момент на најголема тага за мене и за сите членови на моето семејство. Длабоко жалиме за смртта на негуваната суверена и многу сакана мајка. Знам дека нејзината загуба длабоко ќе се почувствува низ целата земја, кралството и Комонвелтот и безброј луѓе ширум светот. Во овој период на жалост и промени, моето семејство и јас ќе бидеме утешени од почитта и длабоката наклонетост која ја уживаше кралицата“,
се вели во соопштението.
Знамето во Бакингемската палата беше спуштено на половина копје во 18.30 часот по локално време. Веднаш откако беше објавена веста за смртта на кралицата, стотици луѓе беа собрани пред портите на Бакингамската палата.
Кралското семејство сега ќе влезе во период на жалост. Официјалните ангажмани ќе бидат откажани и знамињата ќе бидат спуштени на половина копје на кралските резиденции, владините згради, низ вооружените сили и на претставништата на Велика Британија во странство.