Изјавата на Радев следува по синоќешното интервју на Пендаровски за ТВ Сител во кое тој кажа оти во последните две години немал ниту еден конструктивен разговор со претседателот на Бугарија бидејќи, како што рече, не постои клима на добрососедство
Излагањето на Пендаровски го коментираше и техничкиот министер за надворешни работи на Бугарија, Николај Милков, кој смета оти Северна Македонија не направила ниту еден позитивен чекор во преговорите со ЕУ
Бугарскиот претседател Румен Радев вели дека во последните неколку години најмалку десет пати го поканил својот македонски колега Стево Пендаровски да ја посети Бугарија, објавија бугарските медиуми.
Изјавата на Радев следува по синоќешното интервју на Пендаровски за ТВ Сител во кое тој кажа оти во последните две години немал ниту еден конструктивен разговор со претседателот на Бугарија бидејќи, како што рече, не постои клима на добрососедство.
Внесувањето на Бугарите во Уставот ќе ѝ помогне на РСМ да се демократизира, вели Радев
На маргините на денешната конститутивна седница на новоизбраниот состав на Народното собрание во Бугарија, Радев изјавил и дека благодарение на него, земјава добила европска финансиска помош за набавка на струја.
„Во октомври, при отворањето на интерконекторот, со моја помош кај претседателката на Европската комисија Урсула фон дер Лајен, Република Северна Македонија доби финансиска помош од ЕУ за набавка на струја“,
истакнал Радев.
Бугарскиот претседател нагласил и дека тој бил прв кој го покренал прашањето за правата на македонските Бугари пред европските институции. Додаде дека нивното впишување во македонскиот Устав ќе ѝ помогне на земјава да се демократизира и, како што рече, да раскине со идеологиите на тоталитарното минато.
Ја разбирам болката на претседателот на Северна Македонија, но се надевам дека ќе сфати оти ова е за да ѝ помогне на својата земја, да раскине со идеологиите на тоталитарното минато и да почне да ја демократизира земјата“,
рекол Радев на маргините на денешната конститутивна седница на новоизбраниот состав на Народното собрание во Бугарија.
Милков: С Македонија не направи ниту еден позитивен чекор во преговорите со ЕУ
Синоќешното излагање на Пендаровски, во кое тој говореше за македонско-бугарските односи и притоа ја нагласи серијата провокации од бугарска страна, денеска го прокоментира и техничкиот министер за надворешни работи на Бугарија, Николај Милков.
Тој рекол оти ваквите изјави ја ескалираат меѓусебната тензија, а таа, како што нагласил, работи на штета на она што треба да го направи Северна Македонија.
„Откако беше усвоен т.н ‘европскиот предлог’ од целата ЕУ – и од Бугарија и од Северна Македонија на парламентарно ниво, не гледаме ниту еден чекор што е направен во насока на негова реализација, ниту учебниците, ниту ништо“,
изјавил техничкиот министер за надворешни работи на Бугарија, Николај Милков.
Изјавите на Милков и Радев следуваат откако вчера шефот на државата Стево Пендаровски во интервјуто за ТВ Сител изјави дека нема контакти со бугарскиот претседател Румен Радев, а дека во последните две години тие двајца немале ниеден конструктивен разговор бидејќи, како што рече, не постои клима на добрососедство.
Коментирајќи ги односите на земјава со Бугарија, Пендаровски кажа дека во последниве две години Северна Македонија се соочува со низа провокации и со аргументи од бугарска страна за наша блокада кон ЕУ каква што, како што додаде, немало во историјата на Унијата.
„Ниту една држава не блокирала друга држава со тоа што викала ‘Вие не сте тоа што мислите дека сте’. Да зборувате за идентитетска политика и да викате дека јас не сум Македонец и дека само ако ги сменам сите учебници ќе можам да напредувам кон Европа… Ние може да глумиме средби, но последниве две години практично немам ниту еден конструктивен разговор со Радев“,
рече синоќа Пендаровски.