Поранешниот вработен во Централниот регистар, Емил Јакимовски, денеска е приведен од полицијата по низата закани што ги упати изминатиот период и по пријавите што ги поднесоа новинарките Мери Јордановска и Искра Коровешовска.
Меѓутоа, засега нема информации за кое дело е приведувањето и дали е поврзано со последната пријава од Јордановска и Коровешовска или во врска со други пријави поднесени од претходно.
Јакимовски во средата беше повикан на распит во полиција поради заканите, а покрај новинарките тој им се заканувал на директорката на Централниот регистар, Марија Бошковска-Јанковски, на вработени во институцијата и на градоначалникот на Кавадарци, Митко Јанчев.
Заканите кон неговите колеги биле веќе претходно пријавени во полиција.
Директорката на Централниот регистар минатиот викенд му даде и отказ поради нарушување на угледот на институцијата.
Тогаш беше хакирана и фејсбук-страницата на Централен регистар, од каде што објавија дека се сомневаат дека зад тоа стои токму Јакимовски, кој ја креирал страницата уште пред 10 години кога бил раководите на Одделението за маркетинг и односи со јавност.
*Поврзани вести:
Заканувачот Емил Јакимовски доби отказ од Централниот регистар
Јакимовски се заканувал и на уредничка во Алфа, ССНМ реагира
Хакирана фејсбук-страната на Централниот регистар – сомнежи дека хакерот е заканувачот Јакимовски
Чулев: Ќе настојувам да се расветлат сите закани и насилства кон новинарите