Фан страницата на Централниот регистар на Фејсбук е хакирана, соопштија денеска од Централниот регистар.
Оттаму замолуваат содржините кои ќе бидат објавувани од таа страна граѓаните да ги игнорираат, бидејќи како што велат, не се нивен став.
Во своето соопштение посочуваат дека во моментот се работи на нова фан страна за која медиумите и јавноста дополнително ќе бидат известени.
„Фан страната на Фејсбук е креирана уште пред 10 години од лицето Емил Јакимовски во времето кога тој бил раководител на Одделението за маркетинг и односи со јавност. Централен регистар се сомнева дека ова лице стои зад постовите кои се појавија на фан страната на социјалната мрежа Фејсбук во изминатото деноноќие“,
се наведува во соопштение на Централниот регистар.
Овој случај, како што велат, ќе биде пријавен до Секторот за компјутерски криминал при МВР и воедно упатуваат апел истражните органи да го испитаат.
Во моментов на страницата на Фејсбук има две објави од кои во едната пишува дека директорката во моментов е „зафатена со местење тендери“.
Вчера токму Емил Јакимовски испраќаше закани кон новинарката на „А1он“, Мери Јордановска,што наиде на осуди од новинарските здруженија.
*Поврзани вести: