Чулев: Ќе настојувам да се расветлат сите закани и насилства кон новинарите

Техничкиот министер за внатрешни работи, Наќе Чулев, денеска лично контактирал со новинарките Мери Јордановска и Искра Коровешовска кои добивале закани од Емил Јакимовски, вработен во Централниот регистар.

Тој најостро ги осудува сите манифестации на насилство, закани и навреди кон новинарите и другите претставници на медиумите.

„Сакам да упатам апел дека министерот за внатрешни работи нуди целосна соработка и поддршка за сите вакви случаи на насилство со цел идна превенција на закани и други форми на насилство. Јас лично како министер им стојам на располагање на медиумските работници 24 часа. Би сакал да потенцирам дека во контакти со здруженијата на новинарите и врз основа на добиени информации од службите на МВР ќе настојувам да се расветлат и сите досегашни закани и форми на насилство врз медиумските работници кои досега не се разрешени“,

вели Чулев во изјава за државната агенција МИА.

Чулев вели дека со Јордановска и Коровешовска е договорено утре во СВР – Скопје, да ги пријават случаите и да ги донесат материјалните докази со цел итно процесуирање во Основното јавно обвинителство.

*Поврзанив вести:

Јакимовски се заканувал и на уредничка во Алфа, ССНМ реагира

Вработен во Централниот регистар со закани до новинарката Мери Јордановска – Синдикатот бара МВР и ОЈО да реагираат

Вработениот во Централен регистар Јакимовски и се заканувал и на директорката и на вработените – во моментов е на боледување

ВМРО-ДПМНЕ се огради од заканувачот Јакимовски – до МВР ќе достават докази за негов контакт со висок функционер на СДСМ

Хакирана фејсбук-страната на Централниот регистар – сомнежи дека хакерот е заканувачот Јакимовски