Основното јавно обвинителство од Скопје бара притвор за заканувачот Емил Јакимовски кој вчера беше приведен од полицијата поради пријава за семејно насилство.
Обвинителството денеска соопшти дека отворило постапка против него и го терети за три кривични дела: загрозување на сигурностапри вршење семејно насилство, загрозување на сигурноста по пат на информатички систем, како и за неизвршување на судска одлука.
На пријавата за семејно насилство, претходеа пријави за закани кои Јакимовски преку пораки ги упатувал кон новинарките Мери Јордановска и Искра Коровешовска.
На закани од него, кои исто така биле пријавени во полиција, се пожалија и од Централниот регистар, каде Јакимовски беше вработен. Тој упатувал закани кон директорката на оваа институција, Марија Јанковска-Бошковски и кон вработени.
Минатиот викенд тој доби отказ поради нарушување на угледот на институцијата.
Тогаш беше хакирана и фејсбук-страницата на Централниот регистар, од каде што објавија дека се сомневаат дека зад тоа стои токму Јакимовски, кој ја креирал страницата уште пред 10 години кога бил раководите на Одделението за маркетинг и односи со јавност.
*Поврзани вести:
Заканувачот Емил Јакимовски е приведен поради семејно насилство
Заканувачот Емил Јакимовски доби отказ од Централниот регистар
Јакимовски се заканувал и на уредничка во Алфа, ССНМ реагира
Хакирана фејсбук-страната на Централниот регистар – сомнежи дека хакерот е заканувачот Јакимовски
Чулев: Ќе настојувам да се расветлат сите закани и насилства кон новинарите