Бензините поскапуваат за еден денар, а дизелот поевтинува за 4,50 денари
Од полноќ горивата ќе се продаваат по нови цени, одлучија на денешната седница од Регулаторната комисија за енергетика, водни услуги и услуги за управување со отпад (РКЕ).
Бензините поскапуваат за еден денар, а дизелот поевтинува за 4,50 денари.
Со тоа, новата цена на еуросупер БС-95 ќе изнесува 100 денари за литар, додека еуросупер БС-98 ќе се продава за 102 денари за литар.
Цената на дизелот, пак, ќе изнесува 100 денари за литар.
Екстралесното масло за домаќинство поевтинува за три денари за литар и ќе се продава по 111,50 денари.
Цената на мазутот се намалува за 0,196 денари за килограм и ќе изнесува 49,882 денари.
Со одлуката на РКЕ се намалуваат малопродажните цени на нафтените деривати во просек за 1,06 отсто во однос на цените утврдени со претходната одлука од 21 септември 2026 година.
Од РКЕ велат дека во пресметката е применета и одлуката на Владата за намалување на ДДВ за дизелот на 10 отсто, а во оваа одлука додаваат дека е продолжена и примената на намалената акциза кај бензините и дизелот.