Неизгласувањето на уставните измени ќе отвори нови прашања што тлеат во партиите, вели Таравари

Официјално не сме разговарале, но не можам да кријам дека имаме канали на комуникација и со нив, луѓе што се членови на ВМРО-ДПМНЕ. Знам за неколкумина таму што мислат поинаку отколку актуелното раководство, меѓутоа повторно би кажал дека тоа е одлука на партијата, дали некои пратеници би гласале поинаку за тоа, не сакам да влегувам во такви шпекулации, вели Таравари

Ако уставните измени не се случат, можно е да се отворат многу проблеми што ќе доведат до нови прашања кои политичките партии досега не ги имаат кажано, вели лидерот на Алијанса за Албанците, Арбен Таравари.

Тој вели дека доколку францускиот предлог не биде прифатен во Собранието и не поминат уставните промени, партијата ќе гради нова стратегија

„Ние како партија имаме конзистентен став по ова прашање и ќе ги поддржиме, но мислам дека ако не успеат уставните промени, во Македонија ќе се отвори Пандорината кутија. Во тој случај мислам дека ќе се отворат многу проблеми што можеби тлеат кај луѓето и кај политичките партии кои досега не се кажани, а можеби во наредниот период ќе бидат кажани. А Алијанса за Албанците ако не поминат уставните промени, нормално ќе си има своја стратегија како понатаму ќе продолжиме“,

рече Таравари одговарајќи на новинарско прашање на настан за промоција на бесплатна правна помош во Гостивар.

Уставни измени: Двајца пратеници од мнозинството не гласаа за дневниот ред, Ковачевски уверува дека имаат апсолутно единство во коалицијата

Околу контактите со опозициската ВМРО-ДПМНЕ и за тоа дали се водат разговори, Таравари одговори потврдно и додаде дека во ВМРО-ДПМНЕ има членови кои поинаку мислат од раководството.

„Официјално не сме разговарале, но не можам да кријам дека имаме канали на комуникација и со нив, луѓе коишто се членови на ВМРО-ДПМНЕ. Знам за неколкумина таму коишто мислат поинаку отколку актуелното раководство, меѓутоа повторно би кажал дека тоа е одлука на партијата, дали некои пратеници би гласале поинаку за тоа, не сакам да влегувам во такви шпекулации“,

додаде Таравари. 

Мицкоски: Незавршувањето на седницата не значи дека вратата за уставни измени е отворена, избори се решение

Според него, во ВМРО-ДПМНЕ има мислење спротивно од тоа што го кажуваат на прес-конференции и јавно. Меѓутоа, вели Таравари, јас мислам дека постојат шанси и целата партија некако, со нови услови, да одлучат поинаку во претстојниот период и се надевам дека ВМРО-ДПМНЕ ќе собере сили за да поминат уставните измени, додава тој.

ИК на ВМРО-ДПМНЕ: Нема уставни измени под бугарски диктат, власта е делегитимирана, бараме предвремени избори