Македонскиот народен театар (МНТ) ќе ја одигра претставата „Говорна мана“ во режија на Драгана Милошевски-Попова во чест на медицинските работници. Изведбата е закажана за 14 октомври со почеток во 20 часот.
Ова е првата претстава што ќе се одигра во МНТ по паузата од пандемијата предизвикана од ковид-19.
„Ги покануваме хероите на ова време, лекарите и медицинскиот персонал од Клиничкиот центар „Мајка Тереза“, ГОБ „8 Септември“, Детската болница – Козле, епидемиолозите и матичните лекари“,
велат од МНТ.
Претставата „Говорна мана“ по текст на Горан Марковиќ премиерно беше изведена во март во 2017 година.
Според протоколот за работа на МНТ, претставите ќе се одржуваат исклучиво на големата сцена.