Мицкоски им се извини на пратениците за случувањата во Собранието: Се надевам дека никогаш нема да ни се повтори

Ова следи откако пратеничката група на Социјалдемократскиот сојуз (СДСМ) попладнево соопшти дека кандидатот за министер за локална самоуправа Иван Стоилковиќ за време на расправата за предлогот за реконструкција на Владата упатил навреди кон двајца нивни пратеници, Фатмир Битиќи и Митко Трајчулески. Дополнително, координаторот Оливер Спасовски посочи и дека е доволно да се видат двете реплики на премиерот Христијан Мицкоски, кој, како што додаде, се обраќа кон пратениците, нарекувајќи ги „мизогени“ и „палири“

Во знак на револт поради тоа што не добија извинување од кандидатот за министер Иван Стоилковиќ, пратениците на СДСМ, ДУИ и Алијансата за Албанците ја напуштија седницата на која требаше да се изберат новите предлози за министри

Премиерот Христијан Мицкоски вечерва на крајот од расправата, односно пред гласањето на новите министри во рамки на реконструкцијата на Владата упати извинување за, како што рече, денешните случувањата во Собранието, изразувајќи надеж дека такви настани нема да се повторат.

„Како претседател на Владата, сакам да се извинам на вас, на пратениците и на граѓаните што денеска бевме сведоци на овие настани и се надевам дека тоа никогаш повеќе нема да ни се повтори“,

рече тој.

Ова следи откако пратеничката група на Социјалдемократскиот сојуз (СДСМ) попладнево на вонредна прес-конференција во Собранието, соопшти дека кандидатот за министер за локална самоуправа Иван Стоилковиќ за време на расправата за предлогот за реконструкција на Владата упатил навреди кон двајца нивни пратеници, Фатмир Битиќи и Митко Трајчулески.

Дополнително, координаторот Оливер Спасовски посочи и дека е доволно да се видат двете реплики на премиерот Христијан Мицкоски, кој, како што додаде, се обраќа кон пратениците, нарекувајќи ги „мизогени“ и „палири“.

Спасовски упати критики и до собранискиот спикер Африм Гаши поради неговото молчење и отсуство на реакција на случувањата во законодавниот дом.

Стоилковиќ упати навреди кон Битиќи и Трајчулески, бараме реакција од Гаши – вели Спасовски

Во знак на револт поради тоа што не добија извинување од кандидатот за министер Иван Стоилковиќ, пратениците на Социјалдемократскиот сојуз (СДСМ), Демократската унија за интеграција (ДУИ) и Алијансата за Албанците ја напуштија седницата на која требаше да се изберат новите предлози за министри.

Пратениците на СДСМ, ДУИ и Алијанса за Албанците ја напуштија седницата откако не добија извинување од Стоилковиќ

Опозициските пратеници реагираа откако по паузата и координацијата со собранискиот спикер Африм Гаши било договорено, како што рекоа, да се донесе заклучок во кој ќе се осуди начинот на кој кандидаторт за министер Иван Стоилковиќ се однесувал и ги навредувал.

Филипче: Никој не му се плаши на Мицкоски, со заканите и навредите покажува колку е неспособен и слаб

По излагањето на Спасовски на вонредната прес-конференцијата во Собранието, свое обраќање имаше и лидерот на партијата, Венко Филипче, посочувајќи дека заканите и навредите упатени кон пратеници од страна на премиерот Христијан Мицкоски и кандидатот за министер за локална самоуправа Иван Стоилковиќ се знак на слабост.