Медведев со порака до Украина: Ова е прва епизода, ќе има и други

Медведев предупреди дека украинската држава во нејзината сегашна конфигурација, со нацистичкиот политички режим, ќе претставува постојана, директна и очигледна закана за Русија

Првата епизода е одиграна, ќе има и други, изјави заменик-претседателот на Советот за безбедност на Русија Дмитриј Медведев по интензивните напади на Украина.

Најмалку 75 проектили истрелани во денешните напади во Украина – освен во Киев, напади има во Херсон, Лавов, Запорожје

Медведев предупреди дека украинската држава во нејзината сегашна конфигурација, со нацистичкиот политички режим, ќе претставува постојана, директна и очигледна закана за Русија.

Според него, целта на идните акции на Русија треба да биде целосно разбивање на политичкиот режим во Украина.

„Покрај заштитата на нашиот народ и заштитата на границите на земјата, целта на нашите идни акции, според мене, треба да биде целосно разбивање на политичкиот режим во Украина“,

напиша Медведев на својот канал Телеграм.

Рускиот претседател Владимир Путин ги потврди денешните напади врз Киев и други украински градови и провинции изнесувајќи уште едно предупредување за можни напади.

Путин ги потврди нападите во Украина – ЕУ ги осуди

Тој во видеообраќање рече дека ракетите со долг дострел погодиле енергетски, воени и комуникациски објекти во Украина и вети остар одговор на какви било дополнителни „терористички“ акти на руска територија, повторно обвинувајќи ја Украина за нападот врз мостот на Крим.

(ВИДЕО) Поради уништување на мостот на Крим, Путин го урна мостот Кличко!