Лажни се сите денешни дојави за бомби, завршија проверките во над 80 училишта, градинка и Завод за рехабилитација 

Според МВР, цел на денешните дојави за наводно поставени бомби биле вкупно 86 училишта, една градинка и Завод за рехабилитација во Скопје, како и едно училиште во Прилеп

Министерството за внатрешни работи вечерва соопшти дека по направените потребни проверки од страна на нивните тимови е утврдено дека сите денешни дојави за поставени експлозивни направи се лажни.  

Според МВР, цел на денешните дојави за наводно поставени бомби биле вкупно 86 училишта, една градинка и Завод за рехабилитација во Скопје, како и едно училиште во Прилеп.  

„Веднаш по добиените пријави, од полициски службеници се преземени соодветни мерки и активности, извршени се потребните проверки од антитерористички тимови и утврдено е дека станува збор за лажни пријави“,

се наведува во соопштението.  

МВР: Дојави за бомби во 66 училишта и една градинка во Скопје, како и во едно училиште во Прилеп

Денеска цел на лажни дојави за поставени експлозивни направи беа основни училишта во Гази Баба, Центар, Ѓорче Петров и Карпош, а со реакции на Фејсбук се јавија и дел од градоначалниците. 

Основни училишта во Гази Баба, Центар, Ѓорче Петров и Карпош беа денеска цел на „бомбашите“

И вчера антитерористичките тимови на МВР имаа полни раце работа поради големиот број објекти на кои се однесуваа дојавите за наводно поставени бомби. Меѓу нив беше и претседателската резиденција вила „Водно“, како и трговски центри, музеи, институции и станбени згради. 

Лажни се сите денешни дојави за бомби, екипите на МВР завршија со проверките