Досегашните проверки утврдиле дека дојавата за бомба во училиштето во Прилеп е лажна. Повеќе детали се очекуваат подоцна
Денеска до 11 часот е пријавено дека на електронските адреси на 66 училишта и една градинка во Скопје и едно училиште во Прилеп е упатена закана за поставена експлозивна направа, информираат од МВР.
„Веднаш по добиените пријави, од полициски службеници се преземени мерки за безбедно евакуирање на објектите и во тек се антитерористички проверки и се преземаат мерки за расчистување на случаите“,
велат од полицијата.
Досегашните проверки утврдиле дека дојавата за бомба во училиштето во Прилеп е лажна. Повеќе детали се очекуваат подоцна.
Како што информира претходно МВР, до 10 часот било пријавено дека на електронските адреси на 32 училишта во Скопје и едно во Прилеп е упатена закана за поставена експлозивна направа.
Основни училишта во Гази Баба, Центар, Ѓорче Петров и Карпош беа денеска цел на „бомбашите“. Со реакции на Фејсбук се јавија и дел од градоначалниците.