Костадиновска-Стојчевска: Универзална ќе им биде вратена на скопјани, реконструкцијата ќе продолжи по завршување на истрагата за пожарот

Министерката за култура апелира да не се шират шпекулации околу причините за избувнување на пожарот и за настанатата штета

Министерството за култура ги чека наодите од Јавното обвинителство, МВР и од Државниот инспекторат за труд во врска со пожарот што пред два дена избувна во Универзалната сала во Скопје. По завршување на истрагата за случајот, како што денеска изјави министерката за култура Бисера Костадиновска-Стојчевска, реконструцијата ќе продолжи, а Универзалната сала ќе се изгради и им биде вратена на скопјани.

Министерката апелира да не се шират шпекулации околу причините за пожарот и за настанатата штета.

„Едно сакам да ја уверам македонската јавност – дека после завршувањето на овој процес, градежните активности ќе продолжат, Универзалната сала ќе се изгради и ќе биде вратена на скопјани“,

рече Костадиновска-Стојчевска.

Министерката изрази жалење за настанатата ситуација со Универзалната сала, зашто, како што рече, Министерството две години било во процес на убедување на Градот Скопје за препознавање на важноста на објектот и тој да не биде оставен на забот на времето.

„Она што го предвидовме преку информацијата на Влада е дека финализацијата на реновирањето на објектот е крајот на 2027 година. Меѓутоа, се надевам дека тој процес ќе биде забрзан затоа што Универзална сала, како што кажуваме од самиот почеток, и тоа како е потребна“,

додаде Костадиновска-Стојчевска.

Еден ден по пожарот што во вторникот изутрина ја зафати Универзалната сала, вчера во објектот влегоа увидни екипи и јавен обвинител од скопското обвинителство кои започнаа со прибирање на докази неопходни за утврдување на причините за настанување на пожарот.

• Јавен обвинител денеска врши увид во Универзалната сала: Ќе утврдува дали пожарот е предизвикан од човечки фактор или е несреќен случај

Универзалната сала во Скопје беше зафатена од голем пожар во вторникот наутро, нешто пред 10 часот.

Поврзани вести:

• (ВИДЕО) Голем пожар во Универзална: Пристапот на пожарникарите отежнат од лимените огради и паркираните возила
• (ВИДЕО) Почна гасењето на пожарот во Универзалната сала
• (ВИДЕО) Поранешниот директор на Универзалната сала: Жално, објектот требаше да се реконструира уште пред 30 години
• (ВИДЕО) Локализиран пожарот во Универзалната сала
• Арсовска: Две години јавно зборуваме дека проектот за Универзалната сала е погрешен и небезбеден, МВР да ги истражи причините за пожарот
• Гореше старата конструкција во Универзална, вели сопственикот на фирмата што ја реконструира
• (ВИДЕО) Во пожарот нема повредени и жртви, предизвикана е само материјалната штета, вели Костадиновска-Стојчевска
• Засега не се знаат причините за пожарот во Универзална, дополнително ќе ги утврдува полицијата, вели командирот на скопската пожарна
• Приведени тројца градежни работници кои за време на пожарот биле во Универзалната сала
• Две жени пренесени на Токсикологија – излегле на балкон и вдишале чад од пожарот во Универзалната сала