Во изјава за „360 степени“ од МВР појаснуваат дека се работи за редовна процедура и дека градежните работници се повикани на распит во полициска станица
Три лица се приведени во врска со пожарот што утринава избувна во Универзалната сала во Скопје, информираат попладнево од Министерството за внатрешни работи (МВР).
Според полициското соопштение, се работи за тројца градежни работници кои во моментот на пожарот извршувале работни задачи во објектот на Универзалната сала.
„Во врска со пожарот, во полициска станица од општа надлежност ‘Центар’ се приведени тројца градежни работници кои изведувале работни задачи во моментот на пожарот и тоа Б.Р. (50), З.Т. (60) и Б.И. (53)“,
информираат од МВР.
Оттаму во изјава за „360 степени“ појаснуваат дека се работи за редовна процедура и дека градежните работници се повикани на распит во полициска станица.
Дополнуваат дека Секторот за внатрешни работи (СВР) Скопје презема мерки за расчистување на случајот.
Претходно денеска, сопственикот на фирмата „Универзал Балкан“, која работи на реконструкцијата на салата, Лазар Арсовски, во изјава за медиумите кажа дека во моментот на избувнување на пожарот во објектот не се изведувале градежни активности, но дека на местото биле присутни еден инженер, чувари и двајца работници.
Тие, како што рече Арсовски, пробале да го изгаснат огнот со противпожарни апарати.
Поврзани вести:
- (ФОТО) Гори Универзална сала
- (ВИДЕО) Голем пожар во Универзална: Пристапот на пожарникарите отежнат од лимените огради и паркираните возила
- (ВИДЕО) Почна гасењето на пожарот во Универзалната сала
- (ВИДЕО) Поранешниот директор на Универзална сала: Жално, објектот требаше да се реконструира уште пред 30 години
- (ВИДЕО) Локализиран пожарот во Универзалната сала
- Арсовска: Две години јавно зборуваме дека проектот за Универзалната сала е погрешен и небезбеден, МВР да ги истражи причините за пожарот
- Гореше старата конструкција во Универзална, вели сопственикот на фирмата што ја реконструира
- (ВИДЕО) Во пожарот нема повредени и жртви, предизвикана е само материјалната штета, вели Костадиновска-Стојчевска
- Засега не се знаат причините за пожарот во Универзална, дополнително ќе ги утврдува полицијата, вели командирот на скопската пожарна