Анализата на податоците за оваа тема покажува дека има значително зголемување на спам твитовите, се вели во анализата, а податоците ги сподели директорот на Интернет опсерваторијата Стенфорд, Алекс Стамос
Кинеските ботови го преплавија Твитер со сексуално експлицитни објави, главно порнографија и реклами за придружба, за да го спречат ширењето на вестите за масовните протести против заклучувањето и против претседателот Кси Ѓинпинг.
Пребарувањето на големите кинески градови каде што избувнаа протести „најчесто ќе резултира со реклами за придружба/порно/коцкање, потиснувајќи ги легитимните резултати од пребарувањето“,
вели Air-Moving Device, кинеска страница за статистика, споделувајќи серија графикони.
Анализата на податоците за оваа тема покажува дека има значително зголемување на спам твитовите, се вели во анализата, а податоците ги сподели директорот на Интернет опсерваторијата Стенфорд, Алекс Стамос.
„Огромното мнозинство или повеќе од 95%, се чини дека се лажни профили кои твитуваат со висока, стабилна стапка во текот на денот, што укажува на автоматизација“,
се вели во анализата.
Thread: Search for Beijing/Shanghai/other cities in Chinese on Twitter and you’ll mostly see ads for escorts/porn/gambling, drowning out legitimate search results.
— Air-Moving Device (@AirMovingDevice) November 28, 2022
Data analysis in this thread suggests that there has been a *significant* uptick in these spam tweets. pic.twitter.com/Ao46g2ILzf
Активирање на лажни профили
Менгју Донг од Универзитетот Стенфорд сподели слики од некои од сомнителните реклами за придружба, за кои таа тврди дека „им го отежнуваат на кинеските корисници пристапот до информации за масовни протести“.
„Некои од овие профили беа неактивни со години, за да станат активни откако избија протестите во Кина“,
напиша таа на Твитер.
Утврдено е дека една сметка, отворена пред седум години, направила повеќе од 2 000 објави во последните 15 часа. Друг профил има само четири објави „и одеднаш објави повеќе од 3 000 несоодветни твитови во еден ден“, напиша таа.
unless twitter does something about this. will you? @Twitter
— Mengyu Dong (@dong_mengyu) November 27, 2022
Пензионираниот американски дипломат Дејвид Кавиг се запрашува дали тоа е доказ дека „кинеските цензори“ „објавуваат голем број сексуални фотографии за да го одвлечат вниманието на луѓето од протестите во Вухан“ или „само за да го нарушат каналот“.
„За жал, ако некој Кинез одлучи да дојде на Твитер за да дознае што се случило во Кина минатата ноќ, овие несоодветни објави споделени од ботови најверојатно ќе се појават први во нивните резултати од пребарувањето“,
додаде таа.
#武汉 Chinese net censors at attacking this Twitter tag by posting great numbers of sexy photos to distract people from Wuhan protests? Or just to jam the channel?
— 高大伟 David Cowhig (@gaodawei) November 27, 2022
Протестите во Кина започнаа по смртта на 10 лица во станбена зграда во Урумчи, предизвикувајќи прашања за тоа дали инцидентот се случил поради политиката на нулта ковид и пандемиските ограничувања што ги држеа жителите затворени во своите домови четири месеци.