Кина ги повика сите страни да останат смирени и воздржани по експлозијата во Полска

Кина ги повика сите страни да останат смирени и воздржани по информациите за експлозија од падот на ракети од руско производство во Полска, кога загинаа две лица, а полската армија беше ставена во состојба на готовност.

„Во сегашната ситуација, сите страни треба да останат смирени и да покажат воздржаност за да се избегне ескалација“,

рече Мао Нинг, портпарол на кинеското Министерство за надворешни работи.

Американскиот претседател Џо Бајден изјави дека е малку веројатно проектилот што заврши во Полска и уби две лица да бил истрелан од Русија.

Бајден: Малку е веројатно дека проектилот што ја погоди Полска е истрелан од Русија

Американскиот претседател изјавата ја даде по разговорот што ги имаше во Индонезија со лидерите на Г-7 (Канада, Франција, Германија, Италија Јапонија и Обединетото Кралство), како и претставници на ЕУ и Европскиот совет и премиерите на Шпанија и Холандија – членки на НАТО. Тој вети поддршка за Полска да ја спроведе истрага за, како што рече, ракетата од руско производство.

Полскиот претседател изјави дека најверојатно станува збор за проектил од руско производство, но нема конкретни докази кој го испукал.

Полските власти потврдија дека по експлозија во источна Полска загинале две лица и најавија зголемување на борбената готовност

Москва претходно објави дека станува збор за провокација, демантирајќи дека Русија истрелала проектил што паднал во Полска.

Русија негира каква било вмешаност во врска со ракетниот напад врз Полска

Проектилот вчера заврши во село во Полска на околу шест километри од границата со Украина.