Премиерот Зоран Заев пред два дена, одговарајќи на новинарско прашање во врска со бегалците кои треба да пристигнат кај нас, рече дека трошоците за престојот на бегалците ќе ги покријат соодветните организации и Соединетите Американски Држави
Вкупно 780 граѓани на Авганистан ќе бидат згрижени во земјава, соопшти денеска владиниот портпарол Душко Арсовски.
Одговорајќи на новинарско прашање, Арсовски рече дека најголем дел од Авганистанците ќе бидат сместени на периферијата на Скопје.
„За толку граѓани Владата презема обврска да обезбеди сместување и да ги згрижи, да помогне полесно да го поминат овој период додека се тука 90 дена. Во однос на хотелите, тоа е обврска на меѓународните организации кои ги покриваат трошоците“,
истакна Арсовски.
Премиерот Зоран Заев пред два дена, одговарајќи на новинарско прашање во врска со бегалците кои треба да пристигнат кај нас, рече дека трошоците за престојот на бегалците ќе ги покријат соодветните организации и Соединетите Американски Држави.
„Но, тоа не значи дека ако треба нешто да покриеме и ние ќе покриеме. Досега ги носиме трошоците на превоз до хотелите, на вакцината, на ПЦР тест да се направи, на понудите за бесплатен здравствен преглед и секако доколку има потреба за други активности“,
изјави премиерот.
Американскиот новинар и писател Џорџ Пакер ја раскажува голготата на авганистанско семејство кое во последен момент успева да побегне од земјата која е сега под талибанска власт. Хаким, сопругата и неговите три сина добиле привремен престој во Македонија и веќе вчера требаше да се на пат кон Скопје.