Заев, во завршното обраќање како мандатар, испрати порака за соработка до опозицијата
Избрана е новата Влада на Северна Македонија, со 62 гласа „за“ и 51 „против“, од вкупно 113 пратеници што гласаа во финалето на 10 собраниска седница на 10 парламент.
Лидерот на СДСМ Зоран Заев, во завршното обраќање пред пратениците како мандатар, испрати порака за соработка со опозицијата:
„Сакам да соработуваме, затоа што, ако не чувствувате одговорност да се вклучите во клучните процеси во државата, ќе останете безбојни на македонската политичка сцдена. Ако, пак, сме заедно за важните прашања, ве убедувам дека имаме повеќе шанси и ние и вие. Следната година ќе одбележиме 30 години независноста,ако тогашните претседател и премиер Глигоров и Кљусев можеа да ги надминат разликите, ајде и ние да се обединиме барем за најважните прашања“,
рече Заев.
Тој вети храброст, мудрост, работливост и чесност, на сите полиња, а пред се во економијата и правото.
На крајот на седницата, новите членови на Владата дадоа свечена изјава. Со изборот на новата Влада, престанува мандатот на досегашните министри кои не се избрани повторно на функциите.
