Трамп е трајно суспендиран од Твитер кратко по нападот на Конгресот на 6 јануари, 2021 година
Главниот директор на Тесла, Илон Маск, кој неодамна ја купи социјална мрежа Твитер, денеска најави дека ќе му ја поништи забраната на експретседателот на САД, Доналд Трамп, за користење на оваа социјална мрежа.
Маск ова го изјави на конференцијата на Фајненшл Тајмс „Индината на автомобилите. Маск, кој се смета за „апсолутист на слободата на говорот“, неодамна плати 44 милијарди американски долари за Твитер.
Профилот на Трамп имаше 88 милиони следбеници, а беше блокиран од оваа мрежа пред самиот крај на неговиот претседателски мандат и по повеќегодишни расправии за тоа како социјалните мрежи треба да ги третираат профилите на светските лидери.
Трамп е трајно суспендиран од Твитер кратко по нападот на Конгресот на 6 јануари 2021 година, поради, како што тогаш стоеше во објаснувањето на платформата, „ризик од понатамошно повикување на насилство“.
Маск оваа забрана ја оцени како „морално погрешна и едноставно глупава“.
Трамп за „Фокс Њуз“ рече дека нема повторно да го користи Твитер дури и ако Маск му говрати профилот.
Наместо тоа, поранешниот американски лидер користи сопствена социјална мрежа „Truth social“, која започна со работа во февруари.