Тој е познат како претставник на конзервативното крило и најави дека ЦДУ ќе се врати на конзервативните насоки од кои, како што се согласува и дел од членството, партијата отстапила поради либералниот курс на Меркел
Фридрих Мерц (66) e избран за нов претседател на Христијанско-демократската унија (ЦДУ) во Германија, со големо мнозинство, на денешната партиска конвенција.
„Длабоко сум трогнат и изненаден од овој резултат“
рече Мерц, по објавувањето на исходотод партиската конвенција, која се одржа онлајн.
За него гласаа 94,6 отсто од делегатите на конвенцијата.
Со ова се потврди изборот на партиската база која на Мерц му даде најмногу гласови при внатрешните избори за нов претседател на партијата во декември.
Мерц е познат како претставник на конзервативното крило на партијата и најави дека ЦДУ ќе се врати на конзервативните насоки од кои, како што се согласува и дел од членството, партијата отстапила поради либералниот курс што го водеше долгогодишната претседателка и доскорешна канцеларка, Ангела. Меркел.
Во својот говор на конвенцијата, која првично требаше да се одржи во Хановер , но беше префрлена онлајн поради епидемиолошката ситуација, Мерц се осврна на политиките на новиот германски канцелар Олаф Шолц (Социјалдемократската партија на Германија СПД).
„Шолц прави премалку кога станува збор за посредување меѓу САД и Русија. „ Поранешните канцелари би покажале поголема решителност “,
рече Мерц.
Тој апелираше до ЦДУ и до сестринската Христијанско-социјална унија (ЦСУ) да покажат решителност, како најсилна опозициска група во парламентот. „
„Тоа што се случи минатата година не смее да се повтори“,
рече Мерц, алудирајќи на несогласувањата меѓу врвот на ЦДУ и ЦСУ.
Веднаш по изборот на базата во декември, Мерц го посети претседателот на ЦСУ, Маркус Содер, за да ја покаже блискоста на двете партии.
Местото претседател на ЦДУ остана празно откако актуелниот претседател Армин Лашет, по само една година, ја објави својата оставка, откако доживеа пораз на парламентарните избори во септември.
Мерц е трет претседател на ЦДУ откако Анегрет Крамп-Каренбауер првпат беше избрана на крајот на 2018 година, по оставката на тогашната канцеларка Ангела Меркел, а Армин Лашет по неа.
Мерц се појави и во двата случаи како противкандидат, но изгуби од кандидатите кои беа познати како „изборот на Ангела Меркел“.