Министерот Филипче, пак, вели дека очекува во среда да почне и вакцинацијата во земјава
Вчера Кенија доби еден милион вакцини од „АстраЗенека“, Руанда 340 000 вакцини, Судан 800 000, Гамбија 36 000 вакцини, Сенегал 324 000 вакцини. Пред неколку дена Молдавија доби 21 000 вакцини од ЕУ.
Владата на Зоран Заев и Венко Филипче не доби ништо, изјави, денеска на прес-конференција, Владимир Ѓорчев од ИК на ВМРО-ДПМНЕ.
Според него, со набавката на вакцини за земјава се случува дебакл и фијаско, поради што бара оставка од Владата.
„Во Македонија се умира како никогаш досега. Три илјади и сто граѓани на Македонија со своите животи ја платија неспособноста на Владата на Зоран Заев и на Венко Филипче. За една година, колку што имаа можност да нарачаат и да набават вакцини, тие добија само една кутија милостина со просење и ништо повеќе.
рече Ѓорчев.
Од тие причини веднаш и час поскоро треба да си поднесат оставка. Ова што се случува со вакцините во Македонија, со немањето на имунизација е катастрофа, дебакл и фијаско кое што секој ден граѓаните на Македонија го плаќаат со изгубени животи“,
Министерот Филипче, пак, соопшти дека вакцинацијата во земјава веројатно ќе почне в среда, а утре околу 14 часот на Скопскиот аеродром треба да пристигне првата пратка.
Според Филипче, од кинеската вакцина се очекуваат 200 000 дози од кои одредена количина може да дојде за кратко време, но се уште нема потврда кога.
Од „Спутник Ви“ се очекуваат 200 000 дози или со оние од „Астра Зенека“ вкупно 2 200 000 вакцини треба да стигнат во земјава.
„Од руската компанија ги добивме сите потребни документи за да се подготви административната процедура во Агенцијата за лекови, што значи увозна дозвола и сега во текот на викендот и непосредно по доаѓањето и дозволата да се стави во употреба,
рече Филипче.
Во однос на кинеската вакцина, објасни дека се завршени сите потребни административни работи.
„Ги завршивме сите потребни административни работи, размената на документите и сме во комуникација. Очекуваме тајминг за нивно доаѓање“,
рече Филипче.