Федералниот суд пресуди дека, иако некој друг министер можеби немаше да ја одземе визата, министерот за имиграција Алекс Хоук постапил во согласност со законот што му дозволува да ја откаже визата сè додека е убеден дека носителот на визата „може да претставува ризик за здравјето или за јавноста во австралиската заедница“
Австралискиот Федерален суд денеска соопшти дека ја одбил жалбата на тениската суперѕвезда Новак Ѓоковиќ за укинувањето на визата бидејќи министерот разумно верувал дека Ѓоковиќ, кој не бил вакциниран против коронавирус, може да претставува ризик за австралиската заедница.
Федералниот суд, исто така, го отфрли тврдењето на адвокатите на тенисерот дека нема докази дека Ѓоковиќ некогаш повикал некого да не се вакцинира, соопштувајќи дека јавноста може да заклучи за неговото противење на вакцинирањето бидејќи тој кажа дека не е вакциниран.
„Светска тениска ѕвезда со статус на икона може да влијае врз луѓето од сите возрасти, млади и стари, а можеби посебно на младите и ранливи, да го имитираат. Тоа не е плод на имагинацијата, не требаат докази“,
наведуваат судиите во одлуката.
Сагата на Ѓоковиќ предизвика глобална дебата за правата на луѓето кои одлучуваат да не се вакцинираат, бидејќи властите се обидуваат да ја заштитат заедницата од пандемијата на коронавирус.
Ѓоковиќ во неделата вечерта беше депортиран од Австралија, само неколку часа откако судот го одби неговиот обид да остане во земјата за да настапи на Австралија опен, каде што се надеваше дека ќе ја освои рекордната 21-ва голема спортска победа.
Тоа следеше по 11-дневната сага, во која беа вклучени две откажувања на визата, две жалби на Ѓоковиќ до судот и пет ноќевања во два одвоени престои за тенисерите, во засолниште за мигранти, во кое се сместени баратели на азил.
Федералниот суд пресуди дека иако некој друг министер можеби немаше да ја одземе визата, министерот за имиграција Алекс Хоук постапил во согласност со законот што му дозволува да ја откаже визата сè додека е убеден дека носителот на визата „може да претставува ризик за здравјето или за јавноста во австралиската заедница“.
„Министерот е убеден во ова врз основа на нешто што не може да се каже дека е ирационално или нелогично или засновано на релевантен материјал“,
рекоа главниот судија Џејмс Алсоп и судиите Ентони Бесанко и Дејвид О’Калаган во денеска објавената изјава за причините за одбивање на жалбата.
Photo: EPA-EFE/JOEL CARRETT AUSTRALIA AND NEW ZEALAND OUT